ສະພາຕໍ່າອາເມລິກາ ຮັບຮອງເອົາມະຕິກ່ຽວກັບທະເລຕາເວັນອອກ ແລະ ທະເລຮວາຕຸງ
ສະພາຕໍ່າອາເມລິກາ ຮັບຮອງເອົາມະຕິກ່ຽວກັບ
ທະເລຕາເວັນອອກ ແລະ ທະເລຮວາຕຸງ
(ພາບປະກອບ)
(vovworld) – ຕອນເຊົ້າວັນທີ 04/12, ດ້ວຍບັດສະໜັບສະໜູນຢ່າງຂາດຕົວ, ສະພາຕໍ່າອາເມລິກາ ໄດ້ຮັບຮອງເອົາມະຕິເນັ້ນໜັກເຖິງຄວາມຈຳເປັນຕ້ອງຊອກຫາມາດຕະການສັນຕິພາບ, ບົນພື້ນຖານກົດໝາຍສາກົນໃຫ້ບັນດາການຂັດແຍ່ງອະທິປະໄຕຢູ່ທະເລຕາເວັນອອກ ແລະ ທະເລຮວາຕຸງ. ມະຕິໄດ້ຢືນຢັນຄືນໃໝ່ການສະໜັບສະໜູນຂອງລັດຖະບານອາເມລິກາ ສຳລັບບັນດາຄວາມມານະພະຍາຍາມຊອກຫາມາດຕະການສັນຕິພາບ, ບົນພື້ນຖານຫຼັກການກົດໝາຍສາກົນທີ່ໄດ້ຮັບການຮັບຮອງຈາກບັນດາປະເທດ ສຳລັບການຂັດແຍ່ງອະທິປະໄຕຢູ່ທະເລຕາເວັນອອກ ແລະ ທະເລຮວາຕຸງ. ມະຕິກໍ່ຢືນຢັນການສະໜັບສະໜູນຂອງອາເມລິກາ ສຳລັບຄວາມເສລີໃນການເດີນທະເລ, ນຳໃຊ້ເຂດທະເລ ແລະ ເຂດນານຟ້າຢູ່ພາກພື້ນອາຊີ - ປາຊີຟິກ ຕາມກົດໝາຍສາກົນ. ມະຕິໄດ້ຮຽກຮ້ອງໃຫ້ອາຊຽນ, ບັນດາພັນທະມິດ, ເພື່ອນມິດຂອງອາເມລິກາ ແລະ ບັນດາປະເທດທີ່ມີການຂັດແຍ່ງ ພ້ອມກັນມານະພະຍາຍາມ ຊອກຫາມາດຕະການສັນຕິພາບໃຫ້ບັນດາການຂັດແຍ່ງ, ຜ່ານການຮຽກຮ້ອງທຸກຝ່າຍປະຕິບັດຖະແຫຼງການຮ່ວມມືກ່ຽວກັບການປະພຶດຂອງຝ່າຍຕ່າງໆຢູ່ທະເລຕາເວັນອອກ (DOC) ຢ່າງຄົບຖ້ວນ ແລະ ກ້າວໄປເຖິງສ້າງຕັ້ງປະມວນຂໍ້ກຳນົດການປະພຶດຂອງຝ່າຍຕ່າງໆຢູ່ທະເລຕາເວັນອອກ (COC).