ສະພາສູງຈະບໍ່ດຳເນີນການປ່ອນບັດໃນອາທິດນີ້ສຳລັບຮ່າງກົດໝາຍວ່າດ້ວຍການເບິ່ງແຍງດູແລສຸຂະພາບອາເມລິກາ (AHCA) ເພື່ອແນໃສ່ທົດແທນໂຄງການເບິ່ງແຍງດູແລສຸຂະພາບເໝາະສົມກັບການໃຊ້ຈ່າຍເງິນ (Obamacare) ທີ່ມີມາແຕ່ສະໄໝທ່ານອະດີດປະທານາທິບໍດີ Barack Obama. ການກະທຳດັ່ງກ່າວໄດ້ເຮັດໃຫ້ຝ່າຍສາທາລະນະບໍ່ມີຄວາມຫວັງອີກໃນການຮັບຮອງເອົາ AHCA ໃນປີ 2017 ເພື່ອຍົກເລີກ - ທົດແທນ Obamacare. ກ່າວຄຳເຫັນຕໍ່ວົງການນັກຂ່າວ, ທ່ານສະມາຊິກລັດຖະສະພາ Mitch McConnell ໃຫ້ຮູ້ວ່າ, ບັນດາການນຳພັກສາທາລະນະຢູ່ສະພາສູງ ໃຫ້ຮູ້ວ່າ, ຖ້າຫາກຮ່າງກົດໝາຍ AHCA ໄດ້ຍົກອອກມາເພື່ອປ່ອນບັດ ກ່ອນການກຳນົດໃນວັນທີ 30 ກັນຍາ, ແນ່ນອນວ່າ ຈະບໍ່ມີບັດເຫັນດີຢ່າງພຽງພໍເພື່ອຮັບຮອງເອົາ ຍ້ອນວ່າ ມາຮອດປະຈຸບັນຍັງມີສະມາຊິກລັດຖະສະພາ 3 ທ່ານຂອງຝ່າຍສາທາລະນະຖະແຫຼງວ່າຈະປ່ອນບັດຂາວ.