ພາບປະກອບ
|
(vovworld) – ວັນທີ 13/1, ກຳມາທິການວັດທະນະທຳ, ສຶກສາ, ຊາວໜຸ່ມເຍົາວະຊົນ ແລະ ອະນຸຊົນ ສະພາແຫ່ງຊາດ ມີການຕິດຕາມກວດກາຢູ່ ຮ່າໂນ້ຍ ກ່ຽວກັບການປະຕິບັດກົດໝາຍວ່າດ້ວຍຊາວໜຸ່ມ. ຕາມບົດລາຍງານຂອງນະຄອນແລ້ວ, ປະຈຸບັນ, ນະຄອນຫຼວງມີຊາວໜຸ່ມອາຍຸແຕ່ 16 – 30 ປີປະມານ 2,7 ລ້ານຄົນ, ກວມ 33% ຍອດຈຳນວນພົນລະເມືອງ. ໄລຍະຜ່ານມາ, ນະຄອນຫຼວງ ໄດ້ເອົາໃຈໃສ່ເປັນພິເສດ ແລະ ກຳນົດວ່າຊາວໜຸ່ມແມ່ນແຫຼ່ງຊັບພະຍາກອນມະນຸດຕົ້ນຕໍໃນທຸກໆຂົງເຂດ, ເປັນແຫຼ່ງຊັບພະຍາກອນມີຄຸນນະພາບສູງເພື່ອພັດທະນາເສດຖະກິດ - ສັງຄົມຂອງນະຄອນຫຼວງ. ປີ 2013, ນະຄອນ ຮ່າໂນ້ຍ ໄດ້ປະກາດໃຊ້ມະຕິກ່ຽວກັບນະໂຍບາຍນຳໃຊ້ຜູ້ມີຄວາມເກັ່ງກ້າສາມາດໃນການສ້າງສາ ແລະ ພັດທະນານະຄອນຫຼວງ, ອະນຸມັດຜ່ານແຜນຮ່າງທົດລອງໃນການຮັບສະໝັກ, ບຳລຸງສ້າງລັດຖະກອນ 1.000 ຄົນ. ຮ່າໂນ້ຍກໍ່ແມ່ນທ້ອງຖິ່ນທຳອິດໃນທົ່ວປະເທດທີ່ໄດ້ຍ້ອງຍໍຊົມເຊີຍບັນດາຜູ້ເສັງໄດ້ຄະແນນສູງໃນບັນດາມະຫາວິທະຍາໄລ, ວິທະຍາໄລ ແລະ ໄດ້ຮັບສະໝັກເຂົ້າເປັນລັດຖະກອນ, ພາລະກອນໂດຍກົງ, ພ້ອມທັງໜູນຊ່ວຍດ້ານການເງິນເພື່ອໃຫ້ເປົ້າໝາຍດັ່ງກ່າວເຂົ້າຮ່ວມບັນດາຊຸດບຳລຸງສ້າງເໜືອມະຫາວິທະຍາໄລທັງຢູ່ພາຍໃນ ແລະ ຕ່າງປະເທດ… ຈຳນວນເງິນເຄື່ອນໄຫວຂອງບັນດາອົງການຄະນະຊາວໜຸ່ມກອມມູນິດ ໂຮ່ຈີມິນ ໃນບໍລິເວນເພີ່ມຂຶ້ນທົບ 2 ເທື່ອໃນໄລຍະ 2008 – 2013. ທ່ານນາງ ຫງວຽນທິບີກງອກ, ຮອງປະທານຄະນະກຳມະການປະຊາຊົນນະຄອນ ຮ່າໂນ້ຍ ໃຫ້ຮູ້ວ່າ: ໄລຍະຈະມາເຖິງ, ຮ່າໂນ້ຍຈະປັບປຸງຂໍ້ກຳນົດຫຼາຍຢ່າງໃຫ້ເໝາະສົມກັບສະພາບຕົວຈິງຂອງນະຄອນຫຼວງ, ພິເສດແມ່ນເມື່ອກົດໝາຍວ່າດ້ວຍນະຄອນຫຼວງ ໄດ້ຮັບການສ້າງຕັ້ງຂຶ້ນ, ເພື່ອໃຫ້ນະຄອນຫຼວງຂະຫຍັນຂັນເຄື່ອນກ່ວາໃນການນຳໃຊ້ບັນດານະໂຍບາຍໃຫ້ແກ່ຊາວໜຸ່ມ.