ສະພາແຫ່ງຊາດລັດເຊຍກຽມພ້ອມຮ່ວມມືກັບບັນດາຄູ່ຮ່ວມມືຝ່າຍຕາເວັນຕົກ
ກອງປະຊຸມຂອງ ດູມາແຫ່ງຊາດລັດເຊຍ ໃນວັນທີ 11/4/2012
(ພາບ: AFP/TTXVN)
(vovworld) – ວັນທີ 13/9, ທ່ານປະທານ ດູມາ ແຫ່ງຊາດ ລັດເຊຍ (ສະພາຕຳ່) Sergei Naryshkin ຖະແຫຼງວ່າ: ສະພາແຫ່ງຊາດປະເທດນີ້ ກຽມພ້ອມຮ່ວມມືກັບບັນດາຄູ່ຮ່ວມມື ອາເມລິກາ ແລະ ສືບຕໍ່ຮັກສາບັນດາການຕິດຕໍ່ພົວພັນຕັ້ງໜ້າກັບ ເອີລົບ. ສຳນັກຂ່າວສານ Itar – tass ຄັດສະເໜີຄຳເວົ້າຂອງທ່ານ Naryshkin ທີ່ຖືວ່າ “ບໍ່ວ່າການໂອ້ລົມສົນທະນາໃດໆ, ພິເສດແມ່ນບັນດາການໂອ້ລົມສົນທະນາລັດຖະສະພາ, ກໍ່ຕ້ອງໄດ້ຮັບການຈັດຕັ້ງຂຶ້ນບົນພື້ນຖານຄວາມສະເໝີພາບ ແລະ ເຄົາລົບຄຳເຫັນຂອງກັນ. ອາເມລິກາ ຄວນປະລະນິດໄສບັງບຽດ ແລະ ແນວຄິດຖືຕົນເອງສູງກ່ວາເພິ່ນ, ຢັ້ງຢືນທຸກໆການໂອ້ລົມສົນທະນາ ຈະບໍ່ມີຜົນຖ້າຫາກ ອາເມລິກາ ຍັງຮັກສາແນວຄິດຄືດັ່ງກ່າວ.
ທ່ານ Naryshkin ກໍ່ສະແດງຄວາມຫວັງວ່າ: ສຸດທ້າຍ ອາເມລິກາ ຈະເຂົ້າໃຈຄວາມຮັບຜິດຊອບສາກົນຂອງຕົນເພື່ອໃຫ້ບັນດາການໂອ້ລົມສົນທະນາຄືແນວນີ້ສາມາດເປັນໄປໄດ້. ທ່ານຢັ້ງຢືນວ່າ: ໂດຍບໍ່ຫົວຊາຕໍ່ບັນດາມາດຕະການລົງໂທດຕ້ານ ມົດສກູ, ດູມາແຫ່ງຊາດ ລັດເຊຍ ຍັງພົວພັນຢ່າງຕັ້ງໜ້າກັບບັນດາຄູ່ຮ່ວມມືເອີລົບ ກໍ່ຄືສືບຕໍ່ພັດທະນາການພົວພັນຮ່ວມມືກັບບັນດາຄູ່ຮ່ວມມືຢູ່ພາກພື້ນຝ່າຍຕາເວັນອອກ ແລະ ພາກໃຕ້ຂອງໂລກ.