(ພະພາແຫ່ງຊາດຫວຽດນາມ)
(vovworld)- ໂດຍສືບຕໍ່ການເຮັດວຽກຂອງກອງປະຊຸມສະໄໝສາມັນຄັ້ງປະຖົມມະເລີກສະພາແຫ່ງຊາດຫວຽດນາມຊຸດທີ 14 , ຕອນເຊົ້າວັນທີ 27/7, ບັນດາສະມາຊິກສະພາແຫ່ງຊາດໄດ້ເຮັດວຽກຢູ່ຫໍປະຊຸມເພື່ອປຶກສາຫາລື, ລົງຄະແນນສຽງຮັບຮອງເອົາບັນຊີລາຍຊື່ເພື່ອເລືອກຕັ້ງຮອງປະທານປະເທດ, ປະທານສານປະຊາຊົນສູງສຸດ, ຫົວໜ້າອົງການໄອຍະການປະຊາຊົນສູງສຸດ. ດ້ວຍຈຳນວນບັດເຫັນດີ 97,57%, ທ່ານນາງດັ້ງທິຫງອກທິ້ງໄດ້ຮັບການເລືອກຕັ້ງເປັນຮອງປະທານປະເທດອາຍຸການ 2016-2021. ດ້ວຍຈຳນວນບັດເຫັນດີ 96,36%, ທ່ານ ຫງວຽນຮ່ວາບີງ ໄດ້ຮັບການເລືອກຕັ້ງເປັນ ປະທານສານປະຊາຊົນສູງສຸດອາຍຸການ 2016-2021, ທ່ານເລມິນຈີ ໄດ້ຮັບການເລືອກຕັ້ງເປັນ ຫົວໜ້າອົງການໄອຍະການປະຊາຊົນສູງສຸດອາຍຸການ 2016-2021.
ແລະ ກໍໃນຕອນເຊົ້າວັນດຽວກັນ, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ກ່າວໃບຍື່ນສະເໜີກ່ຽວກັບໂຄງປະກອບລັດຖະບານ. ຕອນບ່າຍຂອງວັນດຽວກັນ, ສະພາແຫ່ງຊາດໄດ້ລົງຄະແນນສຽງຮັບຮອງເອົາມະຕິ ກ່ຽວກັບໂຄງປະກອບ, ຈຳນວນສະມາຊິກລັດຖະບານ ແລະ ຮັບຟັງໃບສະເໜີສະພາແຫ່ງຊາດໃຫ້ສັດຕະຍາບັນການແຕ່ງຕັ້ງບັນດາຮອງນາຍົກລັດຖະມົນຕີ, ລັດຖະມົນຕີ, ບັນດາສະມາຊິກອື່ນໃນລັດຖະບານ.