(vovworld) – ຕອນເຊົ້າວັນທີ 1/7, ຄະນະຜູ້ແທນສະມາຊິກສະພາແຫ່ງຊາດ (ສສຊ) ແຂວງ ບິ່ນທ້ວນ ໄດ້ມີການພົບປະກັບຜູ້ມີສິດເລືອກຕັ້ງຢູ່ທ້ອງຖິ່ນຕ່າງໆໃນແຂວງ. ຜູ້ຕາງໜ້າຄະນະ ສສຊ ປະກາດໃຫ້ຜູ້ມີສິດເລືອກຕັ້ງຮັບຊາບບັນດາໝາກຜົນຕົ້ນຕໍ່ຂອງກອງປະຊຸມສະໄໝສາມັນເທື່ອທີ 5 ສະພາແຫ່ງຊາດຊຸດທີ 13 ແລະ ບັນດາການເຄື່ອນໄຫວຂອງ ຄະນະ ສສຊ ແຂວງ ບິ່ນທ້ວນ ທີ່ວາລະປະຊຸມ. ທີ່ການພົບປະ, ຜູ້ມີສິດເລືອກຕັ້ງສະເໜີວ່າ ຄວນມີນະໂຍບາຍທີ່ເໝາະສົມສຳລັບຜູ້ມີຄຸນງາມຄວາມດີ, ຜູ້ເຂົ້າຮ່ວມການຕໍ່ສູ້, ຫລຸດຜ່ອນຄ່າຮຽນໃຫ້ແກ່ນັກຮຽນທຸກຍາກ, ນັກຮຽນເຂດພູດອຍ... ເນື່ອງໃນໂອກາດນີ້, ທ່ານ ຫວູຫາຍ, ຮອງຜູ້ອຳນວຍການໃຫຍ່ວິທະຍຸກະຈາຍສຽງ ຫວຽດນາມ, ສສຊ ແຂວງ ບິນທ້ວນ, ຕາງໜ້າໃຫ້ການນຳວິທະຍຸກະຈາຍສຽງ ຫວຽດນາມ ມອບເຄື່ອງກອມພິວເຕີໜ່ວຍໜຶ່ງ ແລະ ເຄື່ອງພິມໃຫ້ສະຖານີວິທະຍຸຕາແສງ ດຶກຟູ໋, ເມືອງ ແຕງລີງ, ເຊິ່ງແມ່ນຕາແສງເຂດພູດອຍທຸກຍາກ, ຍັງມີຄວາມຫຍຸ້ງຍາກຫຼາຍຢ່າງ ເພື່ອຊ່ວຍໃຫ້ຕາແສງສາມາດປະຕິບັດວຽກງານໂຄສະນາໄດ້ດີກ່ວາອີກ.