ກອງປະຊຸມສາກົນກ່ຽວກັບຊີຣີໃນວັນທີ 30/10
(ພາບ: AFP/TTXVN)
(vovworld) - ວັນທີ 1/11, ທູດພິເສດສະຫະປະຊາຊາດ ທ່ານ Staffan de Mistura ໄດ້ມີການພົບປະກັບທ່ານລັດຖະມົນຕີວ່າການກະຊວງການຕ່າງປະເທດ ຊີຣີ Walid Muallem ຢູ່ນະຄອນຫຼວງ Damascus, ໃນນັ້ນສອງຝ່າຍໄດ້ປຶກສາຫາລືບັນດາບັນຫາກ່ຽວຂ້ອງເຖິງການເຈລະຈາສາກົນເປີດກວ້າງໃນວັນທີ 30/10 ຢູ່ວຽນ (ອົດຕະລິດ) ກ່ຽວກັບບັນຫາວິກິດການຊີຣີ. ທູດພິເສດສະຫະປະຊາຊາດ Staffan de Mistura ໄດ້ມອບບົດລາຍງານລະອຽດກ່ຽວກັບການເຈລະຈາລະຫວ່າງ 17 ປະເທດ, ສະຫະປະຊາຊາດ ແລະ ສະຫະພາບເອີລົບ (ອີຢູ) ເຊິ່ງດຳເນີນໃນທ້າຍສັບປະດາຜ່ານມາຢູ່ວຽນ ໃຫ້ທ່ານລັດຖະມົນຕີວ່າການກະຊວງການຕ່າງປະເທດ ຊີຣີ Walid Muallem.
ການເຈລະຈາສາກົນເປີດກວ້າງໃນວັນທີ 30/10 ເພື່ອແນໃສ່ຮັດແຄບຊ່ອງວ່າງຄວາມບໍ່ລົງລອຍກັນ ແລະ ການແບ່ງແຍກກ່ຽວກັບການສູ້ຮົບຢູ່ຊີຣີ. ບັນດາປະເທດເຂົ້າຮ່ວມກອງປະຊຸມວຽນ ໄດ້ຮຽກຮ້ອງຄຳສັ່ງຢຸດຍິງຢູ່ຊີຣີ, ພ້ອມທັງເຫັນດີສະເໜີສະຫະປະຊາຊາດເປັນຄົນກາງໄກ່ເກ່ຍໃຫ້ຂໍ້ຕົກລົງສັນຕິພາບລະຫວ່າງອຳນາດການປົກຄອງ ແລະ ຝ່າຍຄ້ານເພື່ອເປີດຊ່ອງທາງໃຫ້ລັດຖະທຳມະນູນສະບັບໃໝ່ ແລະ ການເລືອກຕັ້ງຕ່າງໆ ໂດຍມີການຕິດຕາມຂອງສະຫະປະຊາຊາດ.