ທ່ານປະທານຄະນະກຳມະການ ສູນກາງ ແນວໂຮມປະເທດຊາດ ຫວຽດນາມ Huynh Dam ກ່າວສູນທອນພົດທີ່ພິທີສະເຫຼີມສະຫຼອງ
(ພາບ: chinhphudientu)
|
Vovworld- ຕອນເຊົ້າວັນທີ 15/11, ຢູ່ຮ່າໂນ້ຍ, ຄະນະກຳມະການສູນກາງ ແນວໂຮມປະເທດຊາດ ຫວຽດນາມໄດ້ຈັດຕັ້ງພິທີສະເຫຼີມສະຫຼອງ 82 ປີແຫ່ງວັນ ສ້າງຕັ້ງແນວໂຮມເອກະພາບແຫ່ງຊາດ ຫວຽດນາມ ( 18/11/1930 – 18/11/2012 ) . ກ່າວສູນທອນພົດທີ່ພິທີ, ທ່ານປະທານຄະນະກຳມະການ ສູນກາງ ແນວໂຮມປະເທດຊາດຫວຽດນາມ Huynh Dam ເນັ້ນໜັກວ່າ ຜ່ານ 82 ປີແຫ່ງການຕໍ່ສູ້ປະຕິວັດໂດຍພາຍໃຕ້ການນຳພາຂອງພັກ, ແນວໂຮມປະເທດ ຊາດນັບມື້ນັບເຕົ້າໂຮມປະຊາຊົນທຸກຊັ້ນວັນນະ ເຂົ້າຮ່ວມຢ່າງຫຼວງຫຼາຍ, ປະກອບສ່ວນເຮັດໃຫ້ການຕໍ່ຕ້ານຕ້ານຝະລັ່ງ ແລະ ອາເມລິກາກູ້ຊາດໄດ້ຮັບ ໄຊຊະນະ. ໃນໄລຍະປະຈຸບັນ, ດ້ວຍບັນດາຂະບວນການແຂ່ງຂັນ, ແນວໂຮມ ປະເທດຊາດຫວຽດນາມໄດ້ປຸກລະດົມ, ເຕົ້າໂຮມປະຊາຊົນຮ່ວມແຮງຮ່ວມໃຈລົບລ້າງຄວາມອຶດຫິວຫຼຸດຜ່ອນຄວາມທຸກຍາກ, ສາມັກຄີກັນ ສ້າງຊີວິດວັດທະນະທຳຢູ່ເຂດຊຸມຊົນ. ທ່ານປະທານຄະນະກຳມະການ ສູນກາງ ແນວໂຮມ ປະເທດຊາດຫວຽດນາມ Huynh Dam ກ່າວວ່າ :
“ ແນວໂຮມປະເທດຊາດຫວຽດນາມສືບຕໍ່ຢັ້ງຢືນ ແລະ ເສີມຂະຫຍາຍບົດບາດຂອງຕົນ, ສືບຕໍ່ເປັນເຈົ້າການເຂົ້າຮ່ວມໃນວິວັດການສະຫຼຸບ, ປັບປຸງລັດຖະທຳມະນູນປີ 1992. ສືບຕໍ່ຫັນຮູບການຂົນຂວາຍເປັນຫຼາຍຮູບຫຼາຍແບບ, ເຕົ້າໂຮມ ແລະ ເສີມຂະຫຍາຍກຸ່ມກ້ອນມະຫາສາມັກຄີທົ່ວປວງຊົນທັງຊາດ; ຍູ້ແຮງຂະບວນການແຂ່ງຂັນຮັກຊາດ, ຍົກສູງຄຸນນະພາບບັ້ນຂົນຂວາຍຕ່າງໆ; ສືບຕໍ່ປັບປຸງອົງການຈັດຕັ້ງ, ຍົກສູງປະສິດທິຜົນການເຄື່ອນໄຫວຂອງແນວໂຮມ ປະເທດຊາດຫວຽດນາມ.