(vovworld) – ຕອນເຊົ້າວັນທີ 17/6, ຢູ່ຮ່າໂນ້ຍ, ສື່ເອເລກໂຕນິກ ເຍີນເຢີນ (ສຽງຂອງພັກກອມມູນິດ ຫວຽດນາມ) ສະເຫຼີມສະຫຼອງ 15 ປີແຫ່ງວັນສ້າງຕັ້ງ ແລະ ຕ້ອນຮັບຫລຽນໄຊແຮງງານຊັ້ນ 3 ໂດຍພັກ ແລະ ລັດມອບໝາຍໃຫ້. ວັນທີ 21/6/1998 ສື່ເອເລກໂຕນິກ ເຍີນເຢີນ ກາຍເປັນໜັງສືພິມປະຈຳວັນທຳອິດຂອງ ຫວຽດນາມ ຖືກນຳເຂົ້າເຄືອຂ່າຍອິນເຕີເນັດ. ຜ່ານ 15 ປີ, ສື່ເອເລກໂຕນິກ ເຍີນເຢີນ ພັດທະນາຢ່າງແຂງແຮງທັງການຈັດຕັ້ງ, ຮູບແບບ ແລະ ເນື້ອໃນ. ກ່ອນນີ້ມີພຽງພາສາ ຫວຽດນາມ ເທົ່ານັ້ນ, ມາຮອດປະຈຸບັນ, ສື່ເອເລກໂຕນິກ ເຍີນເຢີນ ໄດ້ຈັດເປັນພາສາ ອັງກິດ, ວີດີໂອ, ພາສາ ຈີນ, ເຍິນເຢີນ ໂມບາຍ ແລະ ພວມກະກຽມຈັດເປັນພາສາ ຝຣັ່ງ, ລັດເຊຍ ອີກດ້ວຍ. ກ່ຽວກັບການກຳນົດທິດພັດທະນາໃນໄລຍະຈະມາເຖິງ, ນັກຂ່າວ ຟ້າມຊອງຮ່າ, ຫົວໜ້າຄະນະບັນນາທິການ ສື່ເອເລກໂຕນິກ ເຍີນເຢີນ , ຊີ້ແຈ້ງວ່າ:
“ພວກຂ້າພະເຈົ້າຈະປະຕິບັດການປ່ຽນໃໝ່ຮອບດ້ານທັງດ້ານເນື້ອໃນ ແລະ ຮູບການ, ຄວາມສະດວກສະບາຍ ແລະ ພິເສດແມ່ນຄຽງຂ້າງໂຄສະນາຕາມກຳນົດທິດແລ້ວ, ພວກຂ້າພະເຈົ້າຈະເພີ່ມບັນດາຂໍ້ມູນຂ່າວສານຕື່ມອີກເພື່ອຮັບໃຊ້ໃຫ້ຜູ້ອ່ານເປັນຈຳນວນຫຼວງຫຼາຍ, ຮັບປະກັນຄວາມຖືກຕ້ອງ ແລະ ຫັນເປັນຫຼາຍຮູບຫຼາຍແບບ, ພິເສດແມ່ນຂ່າວພົວພັນຕ່າງປະເທດ. ສື່ເອເລກໂຕນິກ ຕ້ອງຕອບສະໜອງ້ຄຳຮຽກຮ້ອງຕ້ອງການດ້ານເຕັກນິກ. ຄຽງຄູ່ກັນນັ້ນ, ພວກຂ້າພະເຈົ້າກໍ່ຈະຈັດຊ່ອງໂທລະພາບ ເຍີນເຢີນ ແລະ ເພີ່ມທະວີທ່າແຮງຫຼາຍຮູບການຂອງສື່ເອເລກໂຕນິກ ເຍີນເຢີນ ”