(ພາບ: vov)
(vovworld)- ພິທີສະເຫຼີມສະຫຼອງວັນໃຊ້ພາສາຝະລັ່ງສາກົນໄດ້ຖືກຈັດຂຶ້ນໃນຕອນບ່າຍຂອງວັນທີ 14/3 ຢູ່ຮ່າໂນ້ຍ ໂດຍມີການເຂົ້າຮ່ວມຂອງທ່ານ Abdou Diouf ເລຂາທິການໃຫ່ຍອົງການໃຊ້ພາສາຝະລັ່ງ ແລະ ທ່ານນາງຮອງປະທານປະເທດຫວຽດນາມ ຫງວຽນທິຢວານ.
ກ່າວຄຳເຫັນນະທີ່ນີ້, ທ່ານນາງຮອງປະທານປະເທດຫວຽດນາມ ຫງວຽນທິຢວານ ເນັ້ນໜັກວ່າ: ພິທີສະເຫຼີມສະຫຼອງແມ່ນໂອກາດຮັດແໜ້ນນ້ຳໃຈສາມັກຄີມິດຕະພາບລະຫວ່າງບັນດາປະເທດສະມາຊິກໃນອົງການໃຊ້ພາສະຝະລັ່ງກ່ວາອີກ, ແມ່ນໂອກາດເຊີດຊູພາສາຝະລັ່ງ ແລະ ບັນດາຄຸນຄ່າໂດຍພາສານີ້ສົ່ງມາໃຫ້ຫວຽດນາມ ເວົ້າສະເພາະ ແລະ ພາກພື້ນອາຊີ-ປາຊີຟິກເວົ້າລວມ. ທ່ານນາງຮອງປະທານປະເທດຫວຽດນາມ ຫງວຽນທິຢວານ ເນັ້ນໜັກວ່າ:
“ຫວຽດນາມ ຕີລາຄາສູງບັນດາໄຊຊະນະ ແລະ ການປະກອບສ່ວນອັນໃຫ່ຍຫຼວງຂອງປະຊາຄົມໃຊ້ພາສາຝະລັ່ງ ຕໍ່ໂລກເວົ້າລວມ ແລະ ຕໍ່ປະຊາຄົມໃຊ້ພາສາຝະລັ່ງເວົ້າສະເພາະ, ໃນນັ້ນ, ທ່ານເລຂາທິການໃຫ່ຍໄດ້ມີການປະກອບສ່ວນຢ່າງຕັ້ງໜ້າໃຫ້ແກ່ຜົນສຳເລັດນີ້. ຫວຽດນາມ ກໍ່ມີບັນດາການເຄື່ອນໄຫວທີ່ຕັ້ງໜ້າເພື່ອປະກອບສ່ວນເຂົ້າໃນປະຊາຄົມໃຊ້ພາສາຝະລັ່ງ. ພິເສດ, ປະຈຸບັນ, ຫວຽດນາມ ໄດ້ຜັນຂະຫຍາຍບັນດາໂຄງການຊຸກຍູ້ການໃຊ້ພາສະຝະລັ່ງໃນພາກພື້ນອາຊີຕາເວັນອອກສ່ຽງໃຕ້ ແລະ ສອນພາສາຝະລັ່ງໃຫ້ບັນດາພະນັກງານ, ລັດຖະກອນຫວຽດນາມ“./.