(vovworld) – ໃນຂອບເຂດບັນດາການເຄື່ອນໄຫວຕົ້ນຕໍຂອງ “ສັບປະດາການທ່ອງທ່ຽວຂຽວເຂດທົ່ງພຽງແມ່ນ້ຳຂອງທາງພາກໃຕ້ຫວຽດນາມ 2015”, ຕອນເຊົ້າວັນທີ 1/7, ຢູ່ ເກີນເທີ ໄດ້ດຳເນີນກອງປະຊຸມສຳມະນາ “ການນຳໃຊ້ກາໝາຍດອກບົວບ່ອນພັກອາໄສຂອງນັກທ່ອງທ່ຽວຢູ່ ຫວຽດນາມ”. ປີ 2014 ຜ່ານມາ, ຂະແໜງທ່ອງທ່ຽວຫວຽດນາມ ໄດ້ຕ້ອນຮັບນັກທ່ອງທ່ຽວສາກົນເກືອບ 8 ລ້ານເທື່ອຄົນ ແລະ ນັກທ່ອງທ່ຽວພາຍໃນປະເທດກ່ວາ 38 ລ້ານເທື່ອຄົນ. ກອງປະຊຸມສຳມະນາຄັ້ງນີ້ແນໃສ່ປະກອບສ່ວນຍູ້ແຮງການພັດທະນາທ່ອງທ່ຽວຂຽວ, ມຸ່ງໄປເຖິງການພັດທະນາແບບຍືນຍົງໃນບ່ອນພັກອາໄສຂອງນັກທ່ອງທ່ຽວຢູ່ຫວຽດນາມ. ທ່ານ ຫງວຽນວັນຕ໋ວນ, ຫົວໜ້າກົມໃຫຍ່ທ່ອງທ່ຽວ, ໃຫ້ຮູ້ວ່າ:
ກອງປະຊຸມສຳມະນາຄັ້ງນີ້ໄດ້ສ້າງບັນດາຄຸນຄ່າວິຊາສະເພາະທີ່ມີຜົນປະໂຫຍດທີ່ສຸດໃຫ້ບັນດາຜູ້ເຮັດບໍລິການທ່ອງທ່ຽວ. ນີ້ແມ່ນໝາກຜົນຂອງວິວັດການມານະພະຍາຍາມຂອງຂະແໜງການທ່ອງທ່ຽວຫວຽດນາມ. ເພື່ອປະຕິບັດທິດທາງພັດທະນາການທ່ອງທ່ຽວຫວຽດນາມ ຮອດປີ 2020, ວິໄສທັດປີ 2030. ມີ 5 ທັດສະນະ, ໃນນັ້ນມີທັດສະນະແມ່ນ ພັດທະນາການທ່ອງທ່ຽວແບບຍືນຍົງທີ່ຕິດພັນກັບການປົກປັກຮັກສາສິ່ງແວດລ້ອມ; ຂຸດຄົ້ນ ແຫຼ່ງກຳລັງ, ຊັບພະຍາກອນທ່ອງທ່ຽວ ຢ່າງສູງສຸດ ແລະ ມີປະສິດທິຜົນ.