ທ່ານປະທານປະເທດ ເຈືອງເຕີ໋ນຊາງ
ຕ້ອນຮັບທ່ານ Yoshihiko Nakagaki
(ພາບ: TTXVN)
(vovworld) – ວັນທີ 3/11 ຢູ່ສຳນັກງານປະທານປະເທດ, ທ່ານປະທານປະເທດ ຫວຽດນາມ ເຈືອງເຕີ໋ນຊາງ ໄດ້ໃຫ້ການຕ້ອນຮັບຄະນະຜູ້ແທນສະຫະສະມາຄົມພົວພັນຕ່າງປະເທດປະຊາຊົນ ຍີ່ປຸ່ນ (FEC), ໂດຍທ່ານ Yoshihiko Nakagaki ຮອງປະທານສະຫະສະມາຄົມສົ່ງເສີມການພົວພັນຕ່າງປະເທດປະຊາຊົນ ຍີ່ປຸ່ນ ທັງເປັນປະທານຄະນະກຳມະການວັດທະນະທຳ ຍີ່ປຸ່ນ - ຫວຽດນາມ ເປັນຫົວໜ້າຄະນະ. ທ່ານປະທານປະເທດ ເຈືອງເຕີ໋ນຊາງ ຢືນຢັນວ່າ: ການລົງທຶນໂດຍກົງຈາກຕ່າງປະເທດ (FDI), ໜູນຊ່ວຍການພັດທະນາເປັນທາງການ (ODA) ຂອງ ຍີ່ປຸ່ນ ບໍ່ພຽງແຕ່ປະກອບສ່ວນຢ່າງໃຫຍ່ຫລວງເຂົ້າໃນວິວັດການພັດທະນາເສດຖະກິດ - ສັງຄົມຂອງ ຫວຽດນາມໃນໄລຍະຍາວທີ່ຜ່ານມາເທົ່ານັ້ນ ຫາກຍັງໃນອະນາຄົດອີກດ້ວຍ. ຫວຽດນາມ ປາດຖະໜາຢາກສືບຕໍ່ສົມທົບກັບ ຍີ່ປຸ່ນ ເພື່ອຍົກສູງກຳລັງແກ່ງແຍ້ງຂອງຜະລິດຕະພັນ ຫວຽດນາມ ໃນພາກພື້ນ ແລະ ສາກົນ. ທ່ານປະທານປະເທດ ເຈືອງເຕີ໋ນຊາງ ຫວັງວ່າ ຫວຽດນາມ ສືບຕໍ່ສົມທົບກັບ ຍີ່ປຸ່ນ ໃນວິວັດການຫັນປະເທດຊາດເປັນອຸດສາຫະກຳ ແລະ ທັນສະໄໝ.
ສ່ວນທ່ານຮອງປະທານສະຫະສະມາຄົມສົ່ງເສີມການພົວພັນຕ່າງປະເທດປະຊາຊົນ ຍີ່ປຸ່ນ Yoshihiko Nakagaki ໃຫ້ຮູ້ວ່າ: ໃນໄລຍະຈະມາເຖິງ ຂົງເຂດການພົວພັນແລກປ່ຽນປະຊາຊົນ ຍີ່ປຸ່ນ - ຫວຽດນາມ ພວມຖືກຍູ້ແຮງ, ປະກອບສ່ວນຊ່ວຍປະຊາຊົນ 2 ປະເທດເພີ່ມທະວີຄວາມເຂົ້າອົກເຂົ້າໃຈເຊິ່ງກັນ ແລະ ກັນ.