ຫວຽດນາມສະຫນັບສະຫນູນທຸກຄວາມມານະພະຍາຍາມຂອງປະຊາຄົມໂລກເພື່ອຕໍ່ສູ້ຕ້ານການກໍ່ການຮ້າຍ
ທ່ານເລຫາຍບີງ ໂຄສົກກະຊວງການຕ່າງປະເທດຫວຽດນາມ
ພາບ:ອິນເຕີແນັດ
|
(vovworld)- ວັນທີ 25/9, ເມື່ອຕອບຄຳຖາມຂອງນັກຂ່າວສະເຫນີໃຫ້ຮູ້ປະຕິກິລິຍາຂອງຫວຽດນາມ ຕໍ່ຫນ້າເລື່ອງ ອາເມລິກາ ດຳເນີນການບຸກໂຈມຕີທາງອາກາດໃສ່ລັດອິດສະລາມ IS ຢູ່ ຊີຣີ, ໂຄສົກກະຊວງການຕ່າງປະເທດຫວຽດນາມ ເລຫາຍບີງ ຢືນຢັນ: ຫວຽດນາມ ສະຫນັບສະຫນູນທຸກຄວາມມານະພະຍາຍາມຂອງປະຊາຄົມໂລກ ເພື່ອຕໍ່ສູ້ຕ້ານຄືນລັດທິກໍ່ການຮ້າຍດ້ວຍທຸກຮູບການກໍຄືບັນດາການກະທຳໃຊ້ຄວາມຮຸນແຮງ ບົນພື້ນຖານເຄົາລົບກົດບັດ ສປຊ, ບັນດາຫລັກການພື້ນຖານຂອງກົດໝາຍສາກົນກ່ຽວກັບເອກະລາດ, ອະທິປະໄຕ, ຜືນແຜນດິນອັນຄົບຖ້ວນຂອງບັນດາປະເທດກ່ຽວຂ້ອງ, ຮັບປະກັນຄວາມປອດໄພໃຫ້ແກ່ສາມັນຊົນ. ເມື່ອຕອບຄຳຖາມກ່ຽວກັບເລື່ອງຫວ່າງແລ້ວນີ້ ຈີນ ໄດ້ເຮັດໃຫ້ສະພາບການຕົວຈິງຫາດດອນຫີນນ້ຳຖ້ວມຢູ່ທະເລຕາເວັນອອກກາຍເປັນເກາະທຽມຈຳນວນຫນຶ່ງ, ໃນນັ້ນ ມີເກາະກາກມາ ຂຶ້ນກັບອະທິປະໄຕຂອງຫວຽດນາມ, ທ່ານເລຫາຍບີງ ຊີ້ແຈ້ງວ່າ:
“ທຸກການເຄື່ອນໄຫວຂອງບັນດາຝ່າຍກ່ຽວຂ້ອງເຖິງທະເລຕາເວັນອອກຕ້ອງເຄົາລົບອະທິປະໄຕ, ສິດອະທິດປະໄຕ ແລະ ອຳນາດສານຂອງບັນດາປະເທດກ່ຽວຂ້ອງ, ເຄົາລົບກົດໝາຍສາກົນ ພິເສດ ແມ່ນສົນທິສັນຍາ ສປຊ ກ່ຽວກັບກົດໝາຍທະເລປີ 1982 ກໍຄືຖະແຫລງການກ່ຽວກັບການປະພຶດຂອງບັນດາຝ່າຍຢູ່ທະເລຕາເວັນອອກ (DOC) ແລະ ບໍ່ໄດ້ມີການກະທຳໃດໆເຮັດໃຫ້ສະພາບການສັບສົນຂຶ້ນຕື່ມ. ພວກຂ້າພະເຈົ້າຖືວ່າ: ໃນສະພາບການປະຈຸບັນ, ບັນດາຝ່າຍມີສ່ວນກ່ຽວຂ້ອງຕ້ອງມີຄວາມຮັບຜິດຊອບຮັກສາສັນຕິພາບ ແລະ ຄວາມໝັ້ນຄົງຢູ່ທະເລຕາເວັນອອກ.”