(vovworld) – ວັນທີ 30/10, ຢູ່ຍີ່ປຸ່ນ ໄດ້ດຳເນີນ “ວັນເຕັກໂນໂລຊີຂໍ້ມູນຂ່າວສານຍີ່ປຸ່ນ 2014” ຄັ້ງທີ 8. ເຫດການດັ່ງກ່າວຖືກດຳເນີນໄປໃນຂອບເຂດ “ເວທີປາໄສຂັ້ນສູງເຕັກໂນໂລຊີຂໍ້ມູນຂ່າວສານຫວຽດນາມ - Asocio 2014”. 2 ບັນຫາຕົ້ນຕໍ່ທີ່ໄດ້ນຳມາປຶກສາຫາລືໃນຄັ້ງນີ້ແມ່ນ: ພັດທະນາແຫຼ່ງຊັບພະຍາກອນມະນຸດເຕັກໂນໂລຊີຂໍ້ມູນຂ່າວສານໃຫ້ແກ່ການຮ່ວມມືດ້ານເຕັກໂນໂລຊີຂໍ້ມູນຂ່າວສານຫວຽດນາມ - ຍີ່ປຸ່ນ ແລະ ການຮ່ວມມືລະຫວ່າງຫວຽດນາມ - ຍີ່ປຸ່ນໃຫ້ແກ່ບັນດາໂຄງການໃຫຍ່. ທ່ານ ເຈືອງຢາບິງ, ປະທານສະມາຄົມຊອດແວ ແລະ ການບໍລິການເຕັກໂນໂລຊີຂໍ້ມູນຂ່າວສານຫວຽດນາມ ໃຫ້ຮູ້ວ່າ.
“ໃນຊຸມປີຜ່ານມາ, ຄວາມສາມາດບຳລຸງສ້າງຂອງຫວຽດນາມ ໄດ້ພັດທະນາຢ່າງໄວ ແຕ່ຍັງບໍ່ທັນຕອບສະໜອງຄວາມຕ້ອງການຈາກຍີ່ປຸ່ນ ໄດ້ເທື່ອ. ປະຈຸບັນ, ຄວາມພະຍາຍາມສອນພາສາຍີ່ປຸ່ນ ໃນບັນດາໂຮງຮຽນເຕັກໂນໂລຊີຂໍ້ມູນຂ່າວສານຫວຽດນາມ ຍັງຈຳກັດຢູ່. ແຕ່ບັນຫາໃຫຍ່ຫຼວງທີ່ສຸດນັ້ນແມ່ນບັນຫານີ້. ເມື່ອເວົ້າເຖິງນັກວິສາວະກອນເປັນຂົວເຊື່ອມຕໍ່, ພວກເຮົາບໍ່ພຽງແຕ່ເວົ້າເຖິງບັນດານັກວິສາວະກອນເຕັກໂນໂລຊີຂໍ້ມູນຂ່າວສານຍີ່ປຸ່ນເທົ່ານັ້ນ, ຫາກຍັງເວົ້າເຖິງບັນດານັກວິສາວະກອນເຕັກໂນໂລຊີຂໍ້ມູນຂ່າວສານ ມີຄວາມຮູ້ຄວາມເຂົ້າໃຈວິທີເຮັດວຽກ, ຄວາມນຶກຄິດ, ການກະທຳ ແລະ ເຮັດວຽກຕາມຮູບແບບຂອງຍີ່ປຸ່ນ ອີກດ້ວຍ”.