ທ່ານປະທານປະເທດ ຫວຽດນາມ ເຈືອງເຕີນຊາງ ໄດ້ໃຫ້ການຕ້ອນຮັບ
ປະທານສານປະຊາຊົນສູງສຸດ ກູບາ Ruben Remigio Ferro
|
(vovworld) – ຕອນບ່າຍວັນທີ 2/7, ທີ່ສຳນັກງານປະທານປະເທດ, ທ່ານປະທານປະເທດ ຫວຽດນາມ ເຈືອງເຕີນຊາງ ໄດ້ໃຫ້ການຕ້ອນຮັບປະທານສານປະຊາຊົນສູງສຸດ ກູບາ Ruben Remigio Ferro ພວມຢູ່ຢ້ຽມຢາມ ແລະ ເຮັດວຽກຢູ່ ຫວຽດນາມ. ທ່ານປະທານປະເທດ ເຈືອງເຕີນຊາງ ຢັ້ງຢືນວ່າ: ຫວຽດນາມ ມີບົດຮຽນ 30 ປີແຫ່ງການປ່ຽນໃໝ່, ຍາມໃດກໍ່ຢືດໝັ້ນຈຸດໝາຍເປີດປະຕູເພື່ອພັດທະນາ, ພ້ອມທັງຮັກສາເອກະລາດ, ອະທິປະໄຕຂອງປະເທດຊາດ. ທ່ານປະທານປະເທດ ເນັ້ນໜັກວ່າໃນຂົງເຂດຕຸລາການ, ຈຸດໝາຍສູງສຸດແມ່ນປົກປ້ອງລະບອບ, ປົກປ້ອງສິດຜົນປະໂຫຍດອັນຊອບທຳຂອງລັດ ແລະ ປະຊາຊົນ, ຜ່ານນັ້ນປະກອບສ່ວນປັບປຸງຄວາມໄວ້ເນື້ອເຊື່ອໃຈຂອງປະຊາຊົນ. ທ່ານປະທານປະເທດ ຢັ້ງຢືນວ່າ ຫວຽດນາມ ພ້ອມແລ້ວທີ່ຈະແບ່ງປັນບົດຮຽນກັບກູບາ, ພ້ອມກັນນັ້ນ, 2 ຝ່າຍກໍ່ແລກປ່ຽນບົດຮຽນໃນຫຼາຍຂົງເຂດຄື: ນິຕິບັນຍັດ, ຕຸລາການ, ການສຶກສາ…
ທ່ານປະທານສານປະຊາຊົນສູງສຸດ ກູບາ Ruben Remigio Ferro ປາດຖະໜາຢາກຮ່ຳຮຽນເອົາບົດຮຽນຂອງ ຫວຽດນາມ ໃນການພັດທະນາໃນໄລຍະໃໝ່ ແລະ ຢັ້ງຢືນວ່າບັນດາບົດຮຽນໃນການພົວພັນຕ່າງປະເທດ, ພັດທະນາເສດຖະກິດ - ສັງຄົມ ຂອງ ຫວຽດນາມ ແມ່ນບົດຮຽນທີ່ດີໃຫ້ແກ່ ກູບາ ບົນເສັ້ນທາງພັດທະນາຢ່າງໝັ້ນຄົງ. ທ່ານ Ruben Remigio Ferro ກໍ່ໃຫ້ຮູ້ວ່າ: ຜົນສຳເລັດໃນການສ້າງຕັ້ງການພົວພັນເປັນປົກກະຕິກັບ ອາເມລິກາ ຫວ່າງແລ້ວນີ້ ບໍ່ພຽງແຕ່ແມ່ນຜົນສຳເລັດຂອງປະຊາຊົນ ກູບາ ເທົ່ານັ້ນ, ຫາກຍັງແມ່ນຂອງເພື່ອນມິດສາກົນ, ໃນນັ້ນມີ ຫວຽດນາມອີກດ້ວຍ.
ກ່ອນໜ້ານັ້ນ, ໃນວັນດຽວກັນ, ທ່ານປະທານສານປະຊາຊົນສູງສຸດ ເຈືອງຮ່ວາບີ່ງ ກໍ່ໄດ້ເຈລະຈາກັບຄະນະຜູ້ແທນຂັ້ນສູງສານປະຊາຊົນສູງສຸດ ກູບາ ໂດຍທ່ານປະທານສານປະຊາຊົນສູງສຸດກູບາ Ruben Remigio Ferro ນຳໜ້າ.