ຫວຽດນາມແລະສ.ເກົາຫຼີ ເພີ່ມທະວີການຮ່ວມມື ດ້ານເສດຖະກິດ, ການຄ້າ
ທ່ານ Choo Kuyn Hoo, ຮອງລັດຖະມົນຕີກະຊອງນະໂຍບາຍ ແລະ ການເງິນ ສ.ເກົາຫຼີ ແລະ ທ່ານຮອງນາຍົກລັດຖະມົນຕີ ຫວຽດນາມ ຮ່ວາງຈຸງຫາ
(ພາບ:VGP/Nguyên Linh)
(vovworld) – ຕອນບ່າຍວັນທີ 8/6, ທີ່ຮ່າໂນ້ຍ, ເມື່ອຕ້ອນຮັບທ່ານ Choo Kuyn Hoo, ຮອງລັດຖະມົນຕີກະຊອງນະໂຍບາຍ ແລະ ການເງິນ ສ.ເກົາຫຼີ ທີ່ພວມຢ້ຽມຢາມ ແລະ ເຮັດວຽກຢູ່ ຫວຽດນາມ, ທ່ານຮອງນາຍົກລັດຖະມົນຕີ ຫວຽດນາມ ຮ່ວາງຈຸງຫາຍ ສະແດງຄວາມຂອບອົກຂອບໃຈມາຍັງລັດຖະບານ ແລະ ປະຊາຊົນ ສ.ເກົາຫຼີ ທີ່ໄດ້ໜູນຊ່ວນແຫຼ່ງທຶນໜູນຊ່ວຍພັດທະນາ (ODA) ໃຫ້ແກ່ ຫວຽດນາມ, ໃນນັ້ນມີໂຄງການກໍ່ສ້າງຂົວ ວີ້ງທີ້ງ, ປະກອບສ່ວນຊຸກຍູ້ການແລກປ່ຽນຄ້າຂາຍສິນຄ້າ, ສ້າງກຳລັງໜູນພັດທະນາເສດຖະກິດ, ວັດທະນະທຳ, ສັງຄົມ. ເມື່ອຕີລາຄາສູງເລື່ອງວິສາຫະກິດຫຼາຍແຫ່ງຂອງ ສ.ເກົາຫຼີ ທີ່ລົງທຶນຢູ່ ຫວຽດນາມ ຢ່າງມີປະສິດທິຜົນ, ທ່ານຮອງນາຍົກລັດຖະມົນຕີ
ຮ່ວາງຈຸງຫາຍ ຢືນຢັນຄຳໝັ້ນສັນຍາຂອງລັດຖະບານ ຫວຽດນາມ ຍາມໃດກໍສ້າງໂອກາດເພື່ອໃຫ້ບັນດາວິສາຫະກິດຕ່າງປະເທດລົງທຶນ, ເປີດກວ້າງການດຳເນີນທຸລະກິດຢູ່ ຫວຽດນາມ, ໃນນັ້ນມີບັນດາວິສາຫະກິດ ສ.ເກົາຫຼີ.