(vovworld) - ຕອນເຊົ້າວັນທີ 06/01, ຢູ່ສະຖາບັນການເມືອງ, ການປົກຄອງແຫ່ງຊາດໂຮ່ຈິມິນ ໄດ້ຈັດພິທີອັດຊຸດຮຽນທິດສະດີການເມືອງຂັ້ນສູງ ໃຫ້ແກ່ພະນັກງານພັກປະຊາຊົນປະຕິວັດລາວ ຊຸດທີທີ 15. ຜ່ານຊຸດຮຽນຄັ້ງນີ້, ບັນດາພະນັກງານຂອງພັກປະຊາຊົນປະຕິວັດລາວ ໄດ້ມີຄວາມຮູ້ເປັນລະບົບກ່ຽວກັບບັນດາຫຼັກການພື້ນຖານຂອງລັດທິ ມາກເລນີນ, ແນວຄິດໂຮ່ຈິມິນ, ບັນດາບົດຮຽນກ່ຽວກັບການຊີ້ນຳ, ນຳພາຂອງພັກກອມມູນິດຫວຍດນາມ ໃນພາລະກິດປົດປ່ອຍຊາດ ໃນເມື່ອກ່ອນ ແລະ ໃນພາລະກິດປ່ຽນໃໝ່, ສ້າງສາ ແລະ ປົກປັກຮັກສາປະເທດຊາດໃນໄລຍະປະຈຸບັນ. ບັນດາພະນັກງານລາວ ໄດ້ຮັບຄວາມຮູ້ໃໝ່ກ່ຽວກັບວິທະຍາສາດການຊີ້ນຳ, ນຳພາ, ການຄຸ້ມຄອງ ແລະ ບັນດາບັນຫາສະຖານະການພົ້ນເດັ່ນຂອງໂລກຕື່ມອີກ.