ການພົບປະລະຫວ່າງສອງຝ່າຍ (ພາບ: VOV)

ໃນການພົບປະສົນທະນາພາຍຫຼັງພິທີຕ້ອນຮັບ, ການນຳສອງທ່ານຖືວ່າ ສອງຝ່າຍສາມາດເພີ່ມທະວີການຮ່ວມມືຫຼາຍກວ່າອີກໃນບັນດາຂົງເຂດພັດທະນາແບບຍືນຍົງ, ພະລັງງານ, ສາທາລະນະສຸກ, ການຄົ້ນຄວ້າ, ແບ່ງປັນບົດຮຽນປະສົບການໃນວຽກງານສ້າງກົດໝາຍ. ກ່ຽວກັບການຮ່ວມມືຫຼາຍຝ່າຍ, ສະພາແຫ່ງຊາດສອງປະເທດ ໄດ້ມີການສົມທົບກັນຢ່າງແໜ້ນແຟ້ນໃນໄລຍະຜ່ານມາ. ໃນໄລຍະຈະມາເຖິງ, ຕ້ອງສົມທົບກັນຫຼາຍກວ່າອີກໃນເວທີປາໄສຫຼາຍຝ່າຍຄື ສະຫະພັນລັດຖະສະພາໂລກ (IPU), ເວທີປາໄສຄູ່ຮ່ວມມືລັດຖະສະພາ ອາຊີ - ເອີຣົບ (ASEP), ສະຫະພັນລັດຖະສະພາ ຝລັ່ງໂກໂຟນີ (APF), ໃນນັ້ນ ມີເນື້ອໃນຊຸກຍູ້ການປະຕິບັດບັນດາເປົ້າໝາຍພັດທະນາແບບຍືນຍົງ.

        ກ່ຽວກັບການຮ່ວມມືດ້ານການເມືອງ - ການຕ່າງປະເທດ, ທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫວະ ຫວັງວ່າ ສອງຝ່າຍຈະຍູ້ແຮງການແລກປ່ຽນຄະນະຜູ້ແທນຂັ້ນສູງ ແລະ ທຸກຂັ້ນ; ຮ່ວມມື, ແບ່ງປັນກ່ຽວກັບວິຊາສະເພາະລະຫວ່າງສອງສະພາແຫ່ງຊາດ. ທ່ານປະທານສະພາແຫ່ງຊາດ ເວືອງດິ່ງເຫວະ ຢັ້ງຢືນວ່າ ຫວຽດນາມ ຍາມໃດກໍຖືການພົວພັນກັບ ຝລັ່ງ ເປັນສຳຄັນ. ຫວຽດນາມ ຢາກເຮັດໃຫ້ສາຍພົວພັນນີ້ໃນທຸກຊ່ອງທາງຢ່າງເລິກເຊິ່ງ, ແທດຈິງກວ່າ.

        ສ່ວນທ່ານປະທານສະພາສູງ ຝລັ່ງ Gerard Larcher ຢັ້ງຢືນວ່າ ຫວຽດນາມ ສວມບົດບາດສຳຄັນໃນນະໂຍບາຍການຕ່າງປະເທດຂອງ ຝລັ່ງໃນທຸກຂົງເຂດ: ການເມືອງ, ການຕ່າງປະເທດ, ເສດຖະກິດ. ຕາມທ່ານແລ້ວ, ດ້ານພະລັງງານແມ່ນເນື້ອໃນເຊິ່ງສອງປະເທດສາມາດເພີ່ມທະວີການຮ່ວມມື ແລະ ແລກປ່ຽນບົດຮຽນປະສົບການ.   

ພິທີໄຂ ເລີ່ມດຳເນີນເຫດການສະເຫຼີມສະຫຼອງວັນສ້າງຕັ້ງສາຍພົວພັນທາງການທູດຄົບຮອບ 50 ປີ (ພາບ: VOV)

ພາຍຫຼັງການພົບປະ, ທ່ານປະທານສະພາແຫ່ງຊາດ ເວືອງດິ່ງເຫວະ ແລະ ທ່ານປະທານສະພາສູງ ຝລັ່ງ Gerard Larcher ເປັນປະທານຮ່ວມພິທີໄຂ ເລີ່ມດຳເນີນເຫດການສະເຫຼີມສະຫຼອງວັນສ້າງຕັ້ງສາຍພົວພັນທາງການທູດຄົບຮອບ 50 ປີ (12/4/1973 - 12/4/2023).

Le Tuyet, Quy Duc, Phuong Anh