ບໍລິສັດແຫ່ງໜຶ່ງຢູ່ນະຄອນໂຮ່ຈີມິນ ເຮັດລະບຽບການນຳເຂົ້າ - ສົ່ງອອກ (ພາບ: nhandan.com.vn)

ໃນຂະນະນັ້ນ, ບັນດາວິສາຫະກິດ ອິນເດຍ ກໍ່ສາມາດຊຸກຍູ້ການສົ່ງອອກມາຍັງ ຫວຽດນາມ ຕື່ມອີກ 475 ລ້ານ USD ໃນແຕ່ລະປີ. ດ້ວຍຄວາມສາມາດບົ່ມຊ້ອນນີ້, ຍອດວົງເງິນການຄ້າສອງຝ່າຍລະຫວ່າງ ຫວຽດນາມ ແລະ ອິນເດຍ ອາດຈະເພີ່ມຂຶ້ນຕື່ມອີກ 1,1 ຕື້ USD.

ໃນສະພາບການບັນດາຕະຫຼາດພວມຟື້ນຟູພາຍຫຼັງໄດ້ຮັບຜົນສະທ້ອນຈາກໂລກລະບາດໂຄວິດ-19, ບົດລາຍງານໃຫ້ຂໍ້ສັງເກດວ່າ ການຄ້າທົ່ວໂລກແມ່ນປັດໃຈສຳຄັນທີ່ສຸດເພື່ອຊຸກຍູ້ການພັດທະນາ ແລະ ວັດທະນາຖາວອນ, ໃນນັ້ນ ໄດ້ເນັ້ນໜັກເຂົ້າໃນບັນດາຂົງເຂດມີກາລະໂອກາດເຕີບໂຕສູງສຸດ. ຂົງເຂດຂາຍຍ່ອຍ ແລະ ຂາຍຍົກ ຂອງ ຫວຽດນາມ ມີຄວາມສາມາດບົ່ມຊ້ອນເຕີບໂຕສົ່ງອອກໄປຍັງ ອິນເດຍ ຫຼາຍທີ່ສຸດ, ຢູ່ໃນລະດັບ 87 ລ້ານ USD; ການບໍລິການຂົນສົ່ງ ແລະ ສາງເກັບມ້ຽນສິນຄ້າ ກໍ່ອາດຈະເພີ່ມຂຶ້ນຕື່ມອີກ 86 ລ້ານ USD… ບັນດາຂົງເຂດອື່ນຂອງ ຫວຽດນາມ ມີຫຼາຍກາລະໂອກາດດ້ານການຄ້າກັບ ອິນເດຍ ລວມມີ ແພຝ້າຍ, ການບໍລິຫານຫ້ອງການ ແລະ ບັນດາບໍລິການຊ່ວຍໜູນດຳເນີນທຸລະກິດອື່ນ, ບັນດາປະເພດສິນຄ້າຕ່ຳແຜ່ນແພ. ອິນເດຍ ແມ່ນໜຶ່ງໃນ 10 ຄູ່ຮ່ວມມືສຳຄັນຂອງ ຫວຽດນາມ.