ຫວຽດນາມ ຮັບປະກັນ ການປະຕິບັດບັນດາສິດເສດຖະກິດ, ສັງຄົມ ແລະ ວັດທະນະທຳ
(ພາບປະກອບ)
(vovworld) – ໃນຂອບເຂດກອງປະຊຸມຄັ້ງທີ 53 ຂອງຄະນະກຳມະການສິດເສດຖະກິດ, ສັງຄົມ ແລະ ວັດທະນະທຳຂອງສະຫະປະຊາຊາດ ເຊິ່ງດຳເນີນໄປຢູ່ເຊີແນວ, ປະເທດສະວິດ ໃນລະຫວ່າງວັນທີ 10 – 11/11, ບັນດາສະມາຊິກຄະນະກຳມະການໄດ້ວວຍພອນຫວຽດນາມ ກ່ຽວກັບບັນດາຜົນງານທີ່ບັນລຸໄດ້ໃນວິວັດການລົບລ້າງຄວາມອຶດຫິວ, ຫຼຸດຜ່ອນຄວາມທຸກຍາກ, ຮັບປະກັນຊີວິດສັງຄົມ, ຄວາມຍຸຕິທຳ ແລະ ບໍ່ຈຳແນກການປະພຶດຕໍ່ປະຊາຊົນທຸກຄົນໃນເຂດແຄວ້ນຕ່າງໆ. ບັນດາສະມາຊິກຄະນະກຳມະການ ກໍ່ແນະນຳຫຼາຍເນື້ອໃນເພື່ອໃຫ້ຫວຽດນາມ ພິຈາລະນາສືບຕໍ່ປັບປຸງສະພາບແວດລ້ອມນິຕິກຳ, ສ້າງບັນດານະໂຍບາຍ, ໂຄງການແຫ່ງຊາດ ເພື່ອຮັບປະກັນຄຸນນະພາບ ແລະ ປະສິດທິຜົນໃນການປະຕິບັດບັນດາສິດເສດຖະກິດ, ສັງຄົມ ແລະ ວັດທະນະທຳ, ສຸມໃສ່ປັບປຸງຊີວິດການເປັນຢູ່ໃຫ້ນັບມື້ນັບດີຂຶ້ນ, ພິເສດແມ່ນສຳລັບແມ່ຍິງ, ເດັກນ້ອຍ, ຜູ້ສ່ຽງໄພສູງກວ່າເພີ່ນ. ຜູ້ຕາງໜ້າຄະນະຜູ້ແທນຫວຽດນາມ ເຂົ້າຮ່ວມກອງປະຊຸມຢືນຢັນວ່າ, ລັດຖະບານຫວຽດນາມ ຈະຄົ້ນຄວ້າ, ຮັບເອົາບັນດາຄຳເຫັນດັ່ງກ່າວຢ່າງສົມເຫດສົມຜົນ ແລະ ຈັດການປະຕິບັດສົມກັບເງື່ອນໄຂຂອງຫວຽດນາມ, ປະກອບສ່ວນເສີມຂະຫຍາຍບົດບາດຂອງຫວຽດນາມ ເປັນສະມາຊິກທີ່ມີຄວາມຮັບຜິດຊອບ ແລະ ຕັ້ງໜ້າຂອງປະຊາຄົມສາກົນ.