ຫວຽດນາມ ແລະ ລາວຮ່ວມມືກັນປ້ອງກັນ, ສະກັດກັ້ນໂລກລະບາດ Covid – 19
(VOVWORLD) -ວັນທີ 7 ເມສາ, ຢູ່ນະຄອນຫຼວງ ວຽງຈັນ, ປະເທດລາວ, ຄະນະນັກຊ່ຽວຊານ ຂອງ ກະຊວງປ້ອງກັນປະເທດ ຫວຽດນາມ ໄດ້ມີການເຮັດວຽກກັບ ກົມ ພະລາທິການ ກອງທັບປະຊາຊົນລາວ ກ່ຽວກັບບັນດາວຽກງານທີ່ກ່ຽວຂ້ອງເຖິງວຽກງານປ້ອງກັນ, ສະກັດກັ້ນໂລກລະບາດ Covid – 19 ກໍ່ຄືໂຄງການກະທຳ ອອກເປັນວົງກ້ວາງໄປເຖິງບັນດາທະຫານເຂດຕ່າງໆ, ທ້ອງຖິ່ນ ຂອງລາວ ຖ້າຫາກວ່າ ສະພາບການໂລກລະບາດ ມີການຜັນແປຢ່າງສັບສົນ ໃນໄລຍະຈະມາເຖິງ.
ທ່ານພົນຈັດຕະວາ ຫງວຽນຮຸ່ງທັ໊ງ, ຫົວໜ້າເສນາທິການກົມໃຫຍ່ພະລາທິການ, ຫົວໜ້າຄະນະໃຫ້ຮູ້ວ່າ:
ພວກຂ້າພະເຈົ້າຈະເປັນເສນາທິການໃຫ້ແກ່ບັນດາອົງການທີ່ມີໜ້າທີ່ຂອງລາວໃນການສ້າງ, ວາງກຳນົດ ບັນດາແຜນການ ທີ່ກ່ຽວຂ້ອງເຖິງການປ້ອງກັນ, ສະກັດກັ້ນໂລກລະບາດ; ແລກປ່ຽນ, ແບ່ງປັນ, ໃຫ້ຄຳປຶກສາແກ່ບັນດາສະຫາຍ ກ່ຽວກັບຂົງເຂດການແພດປ້ອງກັນໃນ ຂົງເຂດການວິໄຈ, ບົ່ງມະຕິພະຍາດ, ປິ່ນປົວ ໃຫ້ແກ່ບັນດາຜູ້ຕິດເຊື້ອພະຍາດ Covid – 19. ພວກຂ້າພະເຈົ້າຈະພະຍາຍາມຈົນສຸດຄວາມສາມາດຂອງຕົນ ຢາກ ພ້ອມກັບບັນດາກຳລັງຂອງລາວ ເສີມຂະຫຍາຍກຳລັງແຮງສັງລວມ ເພື່ອປ້ອງກັນ, ສະກັດກັ້ນໂລກລະບາດ Covid – 19 ໃຫ້ມີປະສິດທິຜົນ ແລະ ປະກອບສ່ວນເຫື່ອແຮງເລັກໆນ້ອຍໆຂອງຕົນເຂົ້າໃນການເພີ່ມພູນຄູນສ້າງສາຍພົວພັນມິດຕະພາບ, ນ້ຳໃຈຄວາມສາມັກຄີແບບພິເສດ, ອາລົມຈິດອັນ ເລິກເຊິ່ງ ແລະ ການຮ່ວມມືຮອບດ້ານໃນທຸກໆໜ້າທີ່ ວຽກງານ.