ກຳລັງກູ້ໄພກູ້ຊີບ ດຳເນີນການຊອກຫາຜູ້ປະສົບເຄາະຮ້າຍໃນເຫດບຸກໂຈມຕີທາງອາກາດ (ພາບ: AFP)

ຖະແຫຼງການຮ່ວມໄດ້ລົງນາມໂດຍລັດຖະມົນຕີການຕ່າງປະເທດບັນດາປະເທດ ອາເມລິກາ, ອົດສະຕາລີ, ການາດາ, ຝລັ່ງ, ເຢຍລະມັນ, ອີຕາລີ, ຍີ່ປຸ່ນ, ສ.ເກົາຫຼີ, ນິວຊີແລນ, ອັງກິດ ແລະ ຜູ້ຕາງໜ້າຂັ້ນສູງຂອງ ສະຫະພາບເອີຣົບ. ບັນດາປະເທດນີ້ໃຫ້ຮູ້ວ່າ ນາຍທະຫານ ສປປ.ເກົາຫຼີ ນັບພັນຄົນໄດ້ສົ່ງໄປຍັງ ລັດເຊຍ ແລະ ເລື່ອງປະເທດນີ້ຊ່ວຍເຫຼືອ ລັດເຊຍ ໃນການປະທະກັນຢູ່ ຢູແກຼນ ຈະເຮັດໃຫ້ການປະທະກັນຂະຫຍາຍກວ້າງອອກ ແລະ ສົ່ງຜົນຕາມມາຢ່າງຮ້າຍແຮງຕໍ່ຄວາມໝັ້ນຄົງ ແລະ ສັນຕິພາບຢູ່ ເອີຣົບ ແລະ ມະຫາສະໝຸດອິນເດຍ - ປາຊີຟິກ. ບັນດາປະເທດກໍສະແດງຄວາມວິຕົກກັງວົນຕໍ່ເລື່ອງ ລັດເຊຍ ອາດຈະຖ່າຍທອດເຕັກໂນໂລຢີລູກສອນໄຟນຳວິຖີ ຫຼື ນິວເຄຼຍ ໃຫ້ແກ່ ສປປ.ເກົາຫຼີ, ລະເມີດບັນດາມະຕິທີ່ກ່ຽວຂ້ອງຂອງ ສະພາຄວາມໝັ້ນຄົງ. ຖະແຫຼງການຮ່ວມຂອງບັນດາປະເທດກໍຢັ້ງຢືນຄືນຄຳໝັ້ນສັນຍາ ສືບຕໍ່ໜູນຊ່ວຍໃຫ້ແກ່ ຢູແກຼນ.