ອົດສະຕາລີປາດຖະຫນາຢາກເປີດກວ້າງແລະເຮັດໃຫ້ການພົວພັນກັບອາຊຽນເລິກເຊິ່ງກວ່າ
(vovworld)- ວັນທີ 30/5, ຢູ່ຮ່າໂນ້ຍ, ເນື່ອງໃນໂອກາດສະເຫລີມສະຫລອງ 40 ປີແຫ່ງການພົວພັນຄູ່ຮ່ວມມືຄູ່ເຈລະຈາ ອົດສະຕາລີ -ອາຊຽນ, ສະຖານທູດ ອົດສະຕາລີ ໄດ້ຈັດຕັ້ງກອງປະຊຸມສຳມະນາ “ການພົວພັນລະຫວ່າງ ອົດສະຕາລີ - ອາຊຽນ” ໃນການຫັນປ່ຽນຂອງ ອາຊີ.
ກ່າວຄຳເຫັນທີ່ກອງປະຊຸມສຳມະນາ, ອຸປະທູດຊົ່ວຄາວ ສະຖານທູດອົດສະຕາລີ, ທ່ານນາງ Nadia Krivetz ຢືນຢັນວ່າ: ປະຈຸບັນ ບັນດາປະເທດອາຊຽນ ໄດ້ກາຍເປັນຫນຶ່ງໃນບັນດາຄູ່ຮ່ວມມືດ້ານການຄ້າໃຫຍ່ສຸດຂອງອົດສະຕາລີ. ອົດສະຕາລີ ປາດຖະຫນາຢາກເປີດກວ້າງ ແລະ ເຮັດໃຫ້ການພົວພັນກັບບັນດາປະເທດອາຊຽນໃຫ້ເລິກເຊິ່ງກວ່າໃນອະນາຄົດ ນັບທັງການຮ່ວມມືດ້ານການເມືອງ, ການປ້ອງກັນຄວາມສະຫງົບ, ເສດຖະກິດ ແລະ ການພົບປະແລກປ່ຽນປະຊາຊົນ.
ກ່ຽວກັບບັນຫາບົນທະເລຕາເວັນອອກປະຈຸບັນ, ທ່ານນາງ Nadia Krivetz ສະແດງຄວາມປາດຖະຫນາຢາກບັນດາຝ່າຍຕ້ອງລະງັບໃຈ, ບໍ່ໃຫ້ເກີດການກະທຳເກາະຜິດຕື່ມອີກ ແລະ ຄວນມີມາດຕະການເຮັດໃຫ້ຄວາມເຄັ່ງຕຶງຢູ່ທະເລຕາເວັນອອກຫລຸດລົງ. ອົດສະຕາລີ ສົ່ງເສີມຈີນ ແລະ ບັນດາປະເທດ ອາຊຽນ ບັນລຸຄວາມຄືບຫນ້າໃນການສ້າງປະມວນຂໍ້ກຳນົດການປະພຶດຂອງບັນດາຝ່າຍໃຫ້ແກ່ບັນຫາທະເລຕາເວັນອອກ.