ທ່ານນາຍົກລັດຖະມົນຕີ ອິດສະຣາແອນ Benjamin Netanyahu
|
(vovworld) - ວັນທີ 12/1, ທ່ານນາຍົກລັດຖະມົນຕີ ອິດສະຣາແອນ Benjamin Netanyahu ໄດ້ຕຳນິຕິຕຽນກອງປະຊຸມສັນຕິພາບຢູ່ຕາເວັນອອກກາງ, ເຊິ່ງຄາດວ່າຈະດຳເນີນການທ້າຍອາທິດນີ້ຢູ່ນະຄອນຫຼວງ ປາຣີ (ປະເທດ ຝຣັ່ງ), ພ້ອມທັງປະກາດວ່າ ລັດຖະບານຂອງທ່ານຈະບໍ່ເຂົ້າຮ່ວມກອງປະຊຸມນີ້. ກ່າວຄຳເຫັນໃນການພົບປະກັບທ່ານລັດຖະມົນຕີກະຊວງການຕ່າງປະເທດ ນອກແວ Borge Brende, ທ່ານນາຍົກລັດຖະມົນຕີ Netanyahu ຖືວ່າ ກອງປະຊຸມນີ້ໂດຍ ປາແລດສະຕີນ ພ້ອມກັບການໜູນຊ່ວຍຂອງ ຝຮັ່ງ ສ້າງຂຶ້ນເພື່ອແນໃສ່ປັບປຸງຫຼັກໝັ້ນຕ້ານ ອິດສະຣາແອນ. ຕາມທ່ານ Netanyahu ແລ້ວ, ກອງປະຊຸມຈະບໍ່ “ບັງຄັບ” ສຳລັບ ອິດສະຣາແອນ, ຖືວ່າ ນີ້ແມ່ນ “ມໍລະດົກຂອງອະດິດຕະການ”.
ຕາມແຜນການແລ້ວ, ກອງປະຊຸມສັນຕິພາຍຢູ່ຕາເວັນອອກກາງ ໄດ້ຮັບການຈັດຕັ້ງໃນວັນທີ 15/1 ຈະມາເຖິງ, ດ້ວຍການເຂົ້າຮ່ວມຂອງ 70 ປະເທດ ເພື່ອຊອກຫາວິທີຟື້ນຟູວິວັດທະນາການສັນຕິພາບລະຫວ່າງອິດສະຣາແອນ - ປາແລດສະຕີນ ທີ່ຖືກໂຈະໄວ້ນັບແຕ່ເມື່ອຂໍ້ລິເລີ່ມໂດຍ ອາເມລິກາ ສະເໜີຖືກລົ້ມເຫຼວເມື່ອເດືອນ 4/2014.