ນະຄອນຫຼວງ Jakarta
(ພາບ: Reuters)
|
(vovworld) – ໃນລະຫວ່າງວັນທີ 19 – 24/4, ຢູ່ນະຄອນຫຼວງ Jakarta ແລະ ນະຄອນ Bandung (Java ຕາເວັນຕົກ) ຂອງ ອິນໂດເນເຊຍ ຈະດຳເນີນພິທີສະເຫຼີມສະຫຼອງ 60 ປີແຫ່ງກອງປະຊຸມ ອາຊີ - ອາບຟຣີກາ (AAC). ມີ 109 ປະເທດ ອາຊີ ແລະ ອາບຟຣີກາ ພ້ອມກັບ 17 ປະເທດສັງເກດການ ແລະ 25 ອົງການສາກົນໄດ້ຮັບຄຳເຊີນເຂົ້າຮ່ວມເຫດການນີ້. ມາຮອດປະຈຸບັນ, ມີປະມຸກລັດ 30 ທ່ານຮັບຮູ້ເຂົ້າຮ່ວມພິທີສະເຫຼີມສະຫຼອງ 60 ປີແຫ່ງກອງປະຊຸມ ອາຊີ ແລະ ອາບຟຣີກາ. ໂຄງການດຳເນີນງານຂອງບັນດາເຫດການສະເຫຼີມສະຫຼອງ 60 ປີແຫ່ງ AAC ຈະລວມມີ: ກອງປະຊຸມເຈົ້າໜ້າທີ່ຂັ້ນສູງຂອງບັນດາປະເທດ ອາຊີ ແລະ ອາບຟຣີກາ ໄດ້ຮັບການຈັດຕັ້ງໃນວັນທີ 19/4, ກອງປະຊຸມຂັ້ນລັດຖະມົນຕີ ໃນວັນທີ 20/4 ແລະ ກອງປະຊຸມຂັ້ນສຸດຍອດດຳເນີນທຸລະກິດ ອາຊີ - ອາບຟຣີກາ ໃນລະຫວ່າງວັນທີ 21 – 22/4. ລວມມີ 20 ເຫດການຈະໄດ້ຮັບການຈັດຕັ້ງເນື່ອງໃນໂອກາດນີ້.