ທ່ານ Donald Tusk, ປະທານສະພາ ເອີລົບ (ອີຢູ)
(ພາບ: AFP/TTXVN)
|
(vovworld) – ວັນທີ 31/3, ທ່ານ Donald Tusk, ປະທານສະພາ ເອີລົບ (ອີຢູ) ປະກາດແຜນການເບື້ອງຕົ້ນກ່ຽວກັບວິວັດການເຈລະຈາ Brexit - ອັງກິດ ຖອນອອກຈາກ ອີຢູ, ໃນນັ້ນຢັ້ງຢືນ 27 ປະເທດສະມາຊິກ ກຽມພ້ອມໃຫ້ຂໍ້ຕົກລົງຂ້າມຜ່ານ ພາຍຫຼັງ ອັງກິດ ຖອນອອກຈາກອີຢູ ອາດຈະແມ່ນໃນເດືອນ 3/2019. ທ່ານ Donald Tusk ກໍ່ປະຕິເສດຂໍ້ສະເໜີຂອງທ່ານນາງນາຍົກລັດຖະມົນຕີ ອັງກິດ Theresa May ກ່ຽວກັບດຳເນີນບັນດາການເຈລະຈາຮ່ວມກ່ຽວຂ້ອງເຖິງ Brexit ແລະ ຊຸກຍູ້ການພົວພັນໃນອະນາຄົດລະຫວ່າງ ອັງກິດ ແລະ ອີຢູ. ແຜນການເບື້ຶ້ອງຕົ້ນຂອງປະທານສະພາເອີລົບ ທີ່ສົ່ງເຖິງ 27 ປະເທດສະມາຊິກ ໄດ້ຊີ້ແຈ້ງວິວັດການເຈລະຈາກ່ຽວກັບ Brexit ລະຫວ່າງ ອັງກິດ ແລະ ອີຢູ ຕ້ອງບັນລຸໄດ້ “ຄວາມກ້າວໜ້າລະອຽດ” ກ່ອນທີ່ 2 ຝ່າຍດຳເນີນການເຈລະຈາສ້າງຕັ້ງການພົວພັນຄູ່ຮ່ວມມືໃໝ່ໃນອະນາຄົດ. ແຕ່ເຖິງຢ່າງໃດກໍ່ຕາມ, ກ່ອນທີ່ 2 ຝ່າຍອາດຈະບັນລຸໄດ້ຂໍ້ຕົກລົງເສລີ, ອັງກິດ ຕ້ອງປະຕິບັດຕາມທຸກໆຂໍ້ກຳນົດຂອງ ອີຢູ. ໃນກໍລະນີ ອັງກິດ ຍັງຄົງຮັກສາສະພາບການແມ່ນພາກສ່ວນໜຶ່ງຂອງກຸ່ມຕະຫຼາດລວມ ເອີລົບ ໃນໄລຍະຫຼັງ Brexit, ລອນດອນຕ້ອງປະຕິບັດບັນດາຂໍ້ກຳນົດກ່ຽວກັບຄວາມເສລີໃນການໄປ ມາພາຍໃນກຸ່ມ. ທ່ານ Tusk ກໍ່ເຕື້ອງເຖິງບັນຫາບຸລິມະສິດໃນວິວັດການເຈລະຈາລະຫວ່າງ ອັງກິດ ແລະ ອີຢູ ແມ່ນສ້າງກົນໄກຖືກຕ້ອງຕາມກົດໝາຍໃຫ້ບັນດາກຳມະກອນ ອີຢູ ພວມດຳລົງຊີວິດ ແລະ ເຮັດວຽກຢູ່ ອັງກິດ ແລະ ບັນດາປະເທດ ເອີລົບຢ່າງຈະແຈ້ງ; ພ້ອມກັນນັ້ນ, ກໍ່ກ່າວເຕືອນວ່າ ອັງກິດ ຕ້ອງປະຕິບັດທຸກໆຄຳໝັ້ນສັນຍາ ແລະ ພາລະໜ້າທີ່ການເງິນ ຕິດພັນກັບຖານະບົດບາດສະມາຊິກຂອງ ອີຢູ ກ່ອນທີ່ປະຕິບັດສຳເລັດການ “ອຳລາ” ກັບກຸ່ມຕະຫຼາດລວມນີ້.