ອີຣັກດຳເນີນການເລືອກ ຕັ້ງສະພາແຫ່ງຊາດ
ຂົນຂວາຍຫາສຽງເລືອກຕັ້ງຢູ່ອີຣັກ
(ພາບ: AFP)
(vovworld)- ວັນທີ 30/4, ອີຣັກ ໄດ້ດຳເນີນການເລືອກຕັ້ງສະພາແຫ່ງຊາດຄັ້ງທຳອິດ ນັບແຕ່ທະຫານອາເມລິກາ ຖອນອອກຈາກປະເທດນີ້ເມື່ອທ້າຍປີ 2011. ຜູ້ມີສິດເລືອກຕັ້ງກ່ວາ 21 ລ້ານຄົນໄດ້ເລີ່ມໄປບັນດາສະຖານທີ່ປ່ອນບັດໃນທົ່ວປະເທດອີຣັກ ເພື່ອເລືອກຕັ້ງສະມາຊິກສະພາແຫ່ງຊາດ 328 ທ່ານໃນຈຳນວນຜູ້ອອກສະໝັກຮັບເລືອກຕັ້ງທັງໝົດ 9000 ຄົນ. ນະຄອນຫຼວງແບກແດດ ແລະ ບັນດານະຄອນໃຫ່ຍເຕັມໄປດ້ວຍປ້າຍໂຄສະນາໃຫ່ຍກ່ຽວກັບການຫາສຽງເລືອກຕັ້ງ. ບັນດາຜູ້ມີສິດເລືອກຕັ້ງໄດ້ຕັ້ງຄວາມຫວັງວ່າ: ສະພາແຫ່ງຊາດໃໝ່ຈະປ່ຽນແປງສະພາບໃຊ້ຄວາມຮຸນແຮງທີ່ນັບມື້ນັບຮ້າຍແຮງໃນຫຼາຍປີມານີ້.
ການເລືອກຕັ້ງສະພາແຫ່ງຊາດອີຣັກ ໄດ້ດຳເນີນໄປໃນສະພາບຄວາມສະຫງົບປອດໄພຢູ່ອີຣັກ ມີການຜັນແປທີ່ໜ້າວິຕົກກັງວົນ. ການບຸກໂຈມຕີຄັ້ງຕ່າງໆແນ່ໃສ່ບັນດາສະຖານທີ່ເລືອກຕັ້ງ ແລະ ບັ້ນເລືອກຕັ້ງໃນຊຸມວັນຜ່ານມາ ໄດ້ເຮັດໃຫ້ເຫດການການເມືອງສຳຄັນຢູ່ປະເທດນີ້ຂາດສະຖຽນລະພາບ. ກ່ອນການເລືອກຕັ້ງເປັນເວລາ 2 ວັນ, ຢູ່ທ້ອງຖິ່ນຕ່າງໆ, ໄດ້ເກີດບັນດາເຫດວາງລະເບີດຢ່າງລຽນຕິດ ຊື່ງເຮັດໃຫ້ເກືອບ 80 ຄົນເສຍຊີວິດ ແລະ ນັບສີບຄົນໄດ້ຮັບບາດເຈັບ./.