ອີຣັກໄດ້ເພີ່ມທະວີການປ້ອງກັນຄວາມສະຫງົບຢູ່ລຽບຕາມເສັ້ນຊາຍແດນ ເພື່ອສະກັດກັ້ນການຂາຍອາວຸດເທື່ອນຜ່ານປະເທດບ້ານໃກ້ເຮືອນຄຽງ
(vovworld) – ວັນທີ 26/3, ອີຣັກ ໃຫ້ຮູ້ວ່າ: ປະເທດນີ້ບໍ່ສະໜອງອາວຸດ ຫຼື ບໍ່ມີການຊ່ວຍເຫຼືອໃດໃຫ້ແກ່ ຊີຣີ. ກ່າວຄຳເຫັນທີ່ການປະຊຸມຂ່າວຢູ່ Baghdad, ລັດຖະມົນຕີການຕ່າງປະເທດ ອີຣັກ ທ່ານ Hoshiyar Zebari ໃຫ້ຮູ້ວ່າ: ອີຣັກບໍ່ແມ່ນພັກຝ່າຍສະໜອງອາວຸດ ບໍ່ວ່າຊະນິດໃດ ຫຼີ ມີການໜູນຊ່ວຍຫຼືວ່າຄືດັ່ງຄຳເວົ້າຂອງຝ່າຍຄ້ານທີ່ວ່າ: ໄດ້ຈ່າຍຈຳນວນເງິນນັບຕື້ USD ເພື່ອຊຸກຍູ້ພື້ນຖານເສດຖະກິດຂອງ ຊີຣີ. ນີ້ແມ່ນເລື່ອງບໍ່ຖືກຕ້ອງກັບຄວາມຈິງ. ທ້າຍອາທິດແລ້ວນີ້, ຜູ້ອຳນວຍການອົງການສືບລາຊະການລັບສູນກາງອາເມລິກາເວົ້າວ່າ: ຈຳນວນອາວຸດ ແລະ ບັນດາບຸກຄົນຊາວອິດສະລາມ ນິກາຍ Sunni ລຸກຮືຂຶ້ນພວມເຂົ້າມາຊີຣີ ຈາກອີຣັກ. ກະແສຟອງນີ້ມີສັນຍານເກີດຂຶ້ນຢ່າງຕໍ່ເນື່ອງ ແລະ ມີການຈັດຕັ້ງ. ປະຕິກິລິຍາຕໍບັນດາແຫຼ່ງຂ່າວນີ້, ອີຣັກໄດ້ເພີ່ມທະວີການປ້ອງກັນຄວາມສະຫງົບຢູ່ລຽບຕາມເສັ້ນຊາຍແດນຕິດກັບ ຊີຣີ ເພື່ອສະກັດກັ້ນການຂາຍອາວຸດເທື່ອນຜ່ານປະເທດບ້ານໃກ້ເຮືອນຄຽງ.