ທ່ານ ຫງວຽນທ້ຽນເຍີນ ປະທານຄະນະກຳມະການສູນກາງແນວໂຮມປະເທດຊາດຫວຽດນາມໃນພິທີປຸກລະດົມ
(ພາບ:baomoi)
|
(vovworld)- ຕອນເຊົ້າວັນທີ 2/11, ສູນກາງສະພາກາແດງຫວຽດນາມໄດ້ສົມທົບກັບກະຊວງສາທາລະນະສຸກຫວຽດນາມ, ກົມໃຫຍ່ການເມືອງກອງທັບປະຊາຊົນຫວຽດນາມ, ສູນກາງສະມາຄົມທ່ານໝໍໜຸ່ມຫວຽດນາມ ຈັດພິທີປຸກລະດົມ ແລະ ອອກເຄື່ອນພົນດຳເນີນບັ້ນເຄື່ອນໄຫວກວດ ແລະ ປິ່ນປົວພະຍາດໂດຍມະນຸດສະທຳ ແລະ ເບິ່ງແຍງຮັກສາສຸຂະພາບໃຫ້ປະຊາຊົນປີ 2014 ກ້ວຍຫົວເລື່ອງ : “ ຮ່ວມແຮງຮ່ວມໃຈກະທຳເພື່ອສຸຂະພາບຂອງວົງຄະນະຍາດ”. ຕາມນັ້ນແລ້ວ, ຈະມີຜູ້ທຸກຍາກຢ່າງໜ້ອຍ 1 ລ້ານຄົນໃນຂອບເຂດທົ່ວປະເທດຈະໄດ້ຮັບການກວດ ແລະ ປິ່ນປົວພະຍາດ ແລະ ເບິ່ງແຍງຮັກສາສຸຂະພາບໂດຍບໍ່ຄິດຄ່າ. ທີ່ພິທີປຸກລະດົມ, ທ່ານ ຫງວຽນທ້ຽນເຍີນ ປະທານຄະນະກຳມະການສູນກາງແນວໂຮມປະເທດຊາດຫວຽດນາມ ໃຫ້ຮູ້ວ່າ :
“ສູນກາງສະພາກາແດງຫວຽດນາມ, ກະຊວງສາທາລະນະສຸກຫວຽດນາມ, ກົມໃຫຍ່ການເມືອງກອງທັບປະຊາຊົນຫວຽດນາມ, ສູນກາງສະມາຄົມທ່ານໝໍໜຸ່ມຫວຽດນາມ, ອົງການປະກັນໄພຫວຽດນາມ ພ້ອມກັນສົມທົບກັບແນວໂຮມປະເທດຊາດຫວຽດນາມສ້າງລາຍການ ເບິ່ງແຍງຮັກສາສຸຂະພາບວົງຄະນະຍາດ ມຸ່ງໄປສູ່ການປະກັນສັງຄົມທົ່ວປວງຊົນ. ດ້ວຍຈຸດໝາຍບັນດາອົງການສະມາຊິກ ພ້ອມກັບຂະແໜງສາທາລະນະສຸກ ເບິ່ງແຍງຮັກສາສຸຂະພາບໃນ 6 ຂົງເຂດຄື: ຮັບປະກັນນ້ຳສະອາດ, ຮັບປະກັນສິ່ງແວດລ້ອມ,ຊຸກຍູ້ການສັກຢາກັນພະຍາດເປີດກ້ວາງໃຫ້ແກ່ເດັກ, ປະຕິບັດຈຸດໝາຍແກ້ໄຂສະພາບຂາດອາຫານ ແລະ ການປະກັນສຸຂະພາບທົ່ວປວງຊົນ”.