ອາຊຽນເພິງພໍໃຈຕໍ່ບັນດາຜົນງານສຳຄັນດ້ານວັດທະນະທຳ,ສັງຄົມ
ບັນດາຜູ້ແທນເຂົ້າຮ່ວມກອງປະຊຸມ SOC - COM ຄັ້ງທີ 11
(ພາບ: nhandan)
(vovworld) - ກອງປະຊຸມປະສານງານປະຊາຄົມວັດທະນະທຳ, ສັງຄົມອາຊຽນ (SOC - COM) ຄັ້ງທີ 11 ດຳເນີນ ຫວ່າງແລ້ວນີ້, ຢູ່ຈາກາຕາ, ປະເທດອິນໂດເນເຊຍ, ດ້ວຍການເຂົ້າຮ່ວມຂອງຜູ້ຕາງໜ້າ 48 ອົງການສະເພາະຂະແໜງ ແລະ ອົງການຈັດຕັ້ງ. ທ່ານເອກອັກຄະລັດຖະທູດ ຫງວຽນແຮ່ວງນຳ, ຫົວໜ້າຄະນະຜູ້ແທນຫວຽດນາມ ຢູ່ອາຊຽນ ໄດ້ເຂົ້າຮ່ວມກອງປະຊຸມ.
ກ່າວຄຳເຫັນໄຂກອງປະຊຸມ, ທ່ານເລຂາທິການໃຫຍ່ອາຊຽນ ເລເລືອງມິງ ສະເໜີໃຫ້ບັນດາອົງການອາຊຽນ ກໍ່ຄືບັນດາບັນດາອົງການຈັດຕັ້ງທີ່ກ່ຽວຂ້ອງ ຄວນຕັ້ງໜ້າສົມທົບກັນເພື່ອຮັບປະກັນຜັນຂະຫຍາຍບັນດາການເຄື່ອນໄຫວທີ່ໄດ້ຍົກອອກມາໃນແຜນສັງລວມກໍ່ສ້າງປະຊາຄົມວັດທະນະທຳ, ສັງຄົມອາຊຽນ (ASCC) ຢ່າງຄົບຖ້ວນ, ຄົບຊຸດ ແລະ ມີປະສິດທິຜົນ. ພິເສດແມ່ນຍົກສູງຂົງເຂດສີສັນລວມ ແລະ ສະຕິປະຊາຄົມ, ກໍ່ສ້າງປະຊາຄົມອາຊຽນ ເພື່ອປະຊາຊົນຢ່າງແທ້ຈິງ ແລະ ຖືປະຊາຊົນເປັນໃຈກາງ.
ກ່ຽວກັບທິດທາງໃນໄລຍະຈະມາເຖິງ, ກອງປະຊຸມໄດ້ແລກປ່ຽນບັນດາຂໍ້ສະເໜີ ແລະ ມາດຕະການປັບປຸງວຽກງານຈັດຕັ້ງການຜັນຂະຫຍາຍແຜນສັງລວມ ASCC 2025, ໃນນັ້ນໃຫ້ບຸລິມະສິດບັນດາຂົງເຂດ ແລະ ການເຄື່ອນໄຫວທີ່ມີຜົນກະທົບຢ່າງກວ້າງຂວາງ…