( vovworld ) - ບັນດາເຈົ້າໜ້າທີ່ລັດຖະບານອາເມລິກາໄດ້ສະແດງຄວາມປະເອີບໃຈກ່ຽວກັບຮອບເຈລະຈາໃໝ່ລະຫວ່າງ Iran ແລະ ກຸ່ມ P5+1 ( ເຊິ່ງລວມມີ 5 ປະເທດປະຈຳສະພາຄວາມໝັ້ນຄົງສະຫະປະຊາຊາດ ), ຄາດວ່າຈະຖືກດຳເນີນໄປໃນວັນທີ 23/5 ທີ່ຈະມາເຖິງ ຢູ່ນະຄອນຫຼວງ ແບກແດດ, ປະເທດອີຣັກ. ບັນດາເຈົ້າໜ້າທີ່ອາເມລິກາໃຫ້ຮູ້ວ່າ, ທີ່ຮອງເຈລະຈາທີ່ຈະມາເຖິງ, 6 ປະເທດເຂົ້າຮ່ວມການເຈລະຈາຈະຍົກອອກແຜນການຢ່າງລະອຽດເພື່ອກໍ່ຄວາມດັນບັງຄັບໃຫ້ອີຣານ ຢຸດໂຄງການນິວເຄຼຍຂອງເຂົາເຈົ້າ, ໃນນັ້ນຈະໂຍະຍານບາງຂໍ້ຈຳກັດລົງໂທດຕໍ່ເຕເຣຣານ. ແຕ່ວ່າ, ບັນດາມາດຕະການຂວ້ຳບາດດ້ານພະລັງງານເຊິ່ງສະຫະພາບເອີລົບຈັດວາງຕ້ານອີຣານ ຍັງຄົງຈະສືບຕໍ່ປະຕິບັດຢູ່. ອາເມລິກາໄດ້ຖືວ່າ, ນີ້ແມ່ນໜື່ງໃນບັນດາມາດຕະການສຳຄັນ ເພື່ອແນໃສ່ແກ້ໄຂບັນດານິວເຄຼຍຂອງອີຣານ, ໃນຂະນະທີ່ມໍ່ໆມານີ້, ລາຄານ້ຳມັນຂອງໂລກກໍ່ຫຼຸດລົງກໍແມ່ນປັດໃຈກໍ່ຄວາມດັນຕໍ່ອີຣານ. ເພາະສະນັ້ນ, ອີຣານ ອາດຈະຕ້ອງປະນິປະນອມທີ່ຮອບເຈລະຈາທີ່ຈະມາເຖິງ.
ບັນດານັກໄຈ້ແຍກໄດ້ຖືວ່າ, ຖ້າຫາກວ່າ ຮອບເຈລະຈາລະຫວ່າງອີຣານ ແລະ ກຸ່ມ P5+1 ດຳເນີນໄປຢ່າງສະດວກຈະປະກອບສ່ວນຫຼຸດຜ່ອນກໍລະນີເກີດການປະທະກັນດ້ານການທະຫານ, ເຊິງເຮັດໃຫ້ລາຄານ້ຳມັນຂອງໂລກເປັນປົກກະຕິ. ສິ່ງດັ່ງກ່າວຈະນຳມາເຊິ່ງຜົນປະໂຫຍດໃຫ້ແກ່ທ່ານປະທານນາທິບໍດີອາເມລິກາ Barack Obama ໃນບັ້ນຫາສຽງເລືອກຕັ້ງຄືນໃໝ່ທີ່ຈະມາເຖິງ, ເພາະລາຄານ້ຳມັນຫຼຸດລົງຈະມີຜົນດີຕໍ່ການຟື້ນຟູພື້ນຖານເສດຖະກິດຂອງອາເມລິກາ.