(VOVWORLD) -ວັນທີ 24 ທັນວາ, ທ່ານປະທານາທິບໍດີ Donald Trump ໃຫ້ຮູ້ວ່າ: ທ່ານແລະທ່ານສີຈິ້ນຜິງປະທານປະເທດຈີນຈະລົງນາມຂໍ້ຕົກລົງການຄ້າໄລຍະ 1 ລະຫວ່າງສອງປະເທດ.
 ທ່ານປະທານາທິບໍດີ Donald Trump (ພາບ: AP) |
ກ່າວຄຳເຫັນກັບວົງການນັກຂ່າວ, ທ່ານປະທານາທິບໍດີ Donald Trumpໃຫ້ຮູ້ວ່າຂໍ້ຕົກລົງການຄ້າໄລຍະ 1 ລະຫວ່າງສອງປະເທດ ໄດ້ສ້າງສຳເລັດໝົດແລ້ວແລະປັດຈຸບັນພວມຢູ່ໃນຂັ້ນຕອນການແປພາສາ.
ກ່ອນນັ້ນ, ທ່ານ Robert Lighthizerຜູ້ຕາງໜ້າການຄ້າອາເມລິກາໄດ້ແຈ້ງວ່າ: ຜູ້ຕາງໜ້າສອງປະເທດຈະລົງນາມຂໍ້ຕົກລົງດັ່ງກ່າວໃນອາທິດທຳອິດຂອງເດືອນມັງກອນ. ປັດຈຸບັນປັກກິ່ງ,ກໍ່ຍັງບໍ່ໄດ້ຢັ້ງຢືນບັນດາສ່ວນປະກອບຂອງຂໍ້ຕົກລົງທີ່ເຈົ້າໜ້າທີ່ ອາເມລິກາ ແຈ້ງໃຫ້. ໃນອາທິດກ່ອນນີ້, ທ່ານລັດຖະມົນຕີກະຊວງການຄ້າຈີນໃຫ້ຮູ້ວ່າ: ລາຍລະອຽດຂອງຂໍ້ຕົກລົງຈະໄດ້ປະກາດພາຍຫຼັງທີ່ໄດ້ຮັບການລົງນາມຢ່າງເປັນທາງການ.