(VOVWORLD) - ທ່ານປະທານາທິບໍດີ ອາເມລິກາ Donald Trump ໄດ້ອອກຄຳສັ່ງໂຈະການຈັດວາງບ້ວງພາສີນຳເຂົ້າໃໝ່ນີ້ຊົ່ວຄາວສຳລັບບາງປະເທດຄູ່ຮ່ວມມືໃນຂະນະທີ່ດຳເນີນການປຶກສາຫາລືເພື່ອຊອກຫາມາດຕະການຍາວນານກ່ວາ.
 ທ່ານ Robert Lighthizer, ຜູ້ຕາງໜ້າການຄ້າ ອາເມລິກາ |
ວັນທີ 22 ມີນາ, ອາເມລິກາ ປະກາດວ່າ: ສະຫະພາບເອີລົບ (EU) ພ້ອມກັບ 6 ປະເທດອື່ນໆຈະໄດ້ຍົກເລີກພາສີນຳເຂົ້າເຫຼັກກ້າ ແລະ ອານູມີນຽມໃໝ່ຂອງ ອາເມລິກາ ຊົ່ວຄາວ. ກ່າວຄຳເຫັນຕໍ່ກຳມາທິການສະພາສູງ, ທ່ານ Robert Lighthizer, ຜູ້ຕາງໜ້າດ້ານການຄ້າ ອາເມລິກາ ໃຫ້ຮູ້ວ່າ: ທ່ານປະທານາທິບໍດີ ອາເມລິກາ Donald Trump ໄດ້ອອກຄຳສັ່ງໂຈະການຈັດວາງບ້ວງພາສີນຳເຂົ້າໃໝ່ນີ້ຊົ່ວຄາວສຳລັບບາງປະເທດຄູ່ຮ່ວມມືໃນຂະນະທີ່ດຳເນີນການປຶກສາຫາລືເພື່ອຊອກຫາມາດຕະການຍາວນານກ່ວາ. ໄປຄຽງຄູ່ກັບ EU, ຍັງມີ 6 ປະເທດໄດ້ຍົກເລີກຊົ່ວຄາວນັ້ນແມ່ນ: ອາກຊັງຕິນ, ອົດສະຕາລີ, ບຣາຊິນ, ການາດາ, ເມກຊີໂກ ແລະ ສ. ເກົາຫຼີ.
ກ່ອນໜ້ານັ້ນ, ວັນທີ 8 ມີນາ ຜ່ານມາ, ໂດຍບໍ່ຫົວຊາຕໍ່ການຄັດຄ້ານຂອງສະມາຊິກສະພາແຫ່ງຊາດຫຼາຍທ່ານ ແລະ ວົງການນັກທຸລະກິດພາຍໃນປະເທດ, ທ່ານປະທານາທິບໍດີ Donald Trump ໄດ້ເຊັນລັດຖະດຳລັດປະກາດຈັດວາງລະດັບພາສີໃໝ່, 25% ສຳລັບເຫຼັກກ້າ ແລະ 10% ສຳລັບອານູມີນຽມນຳເຂົ້າ.