(ທ່ານຮອງລັດຖະມົນຕີປ້ອງກັນປະເທດອາເມລິກາ Ashtom Carter)
(vovworld) - ອາເມລິກາ ຈະບໍ່ປະລະນະໂຍບາຍຫັນໄປສູ່ພາກພື້ນອາຊີ - ປາຊີຟີກ. ນັ້ນແມ່ນຄຳຢືນຢັນຂອງທ່ານຮອງລັດຖະມົນຕີປ້ອງກັນປະເທດອາເມລິກາ Ashtom Carter ທີ່ກອງປະຊຸມປຶກສາຫາລືກ່ຽວກັບແຜນການສ້າງຄວາມ
ດູນດຽງຢູ່ອາຊີ - ປາຊີຟີກ ຄືນໃໝ່ ເຊິ່ງຫາກໍດຳເນີນໄປຢູ່ວໍຊິງເຕັນ, ປະເທດອາເມລິກາ. ກ່າວຄຳເຫັນຢູ່ສູນຄົ້ນຄວ້າຍຸດທະສາດ ແລະ ສາກົນເມື່ອວັນທີ 09/04, ທ່ານຮອງລັດຖະມົນຕີປ້ອງກັນປະເທດອາເມລິກາ Ashtom Carter ເນັ້ນໜັກເຖິງນະໂຍບາຍສ້າງຄວາມດູນດຽງຢູ່ອາຊີ - ປາຊີຟີກ ຄືນໃໝ່ ບໍແນໃສ່ຄວບຄຸມບໍ່ວ່າປະເທດໃດ. ກ່ຽວກັບບັນດາການພິດພາດຢູ່ທະເລຕາເວັນອອກ, ທ່ານ Ashtom Carter ຢືນຢັນວ່າ.
“ພວກຂ້າພະເຈົ້າສະໜັບສະໜູນຄວາມເປັນເອກະພາບໃນອາຊຽນຢ່າງແຮງ ແລະ ຊົມເຊີຍຄວາມມານະພະຍາຍາມຂອງບັນດາປະເທດສະມາຊິກໃນການສ້າງຂໍ້ກຳນົດການປະພຶດຂອງຝ່າຍຕ່າງໆຢູ່ທະເລຕາເວັນອອກ. ຈີນຕ້ອງເຂົ້າຮ່ວມວິວັດການເຈລະຈາກົດລະບຽບນີ້ຢ່າງຕັ້ງໜ້າ. ຫລັກໝັ້ນທີ່ຈະແຈ້ງ ແລະ ບໍ່ປ່ຽນແປງຂອງອາເມລິກາ ແມ່ນຄັດຄ້ານບັນດາການກະທຳທີ່ເກາະຜິດ, ຈັດວາງ ແລະ ນຳໃຊ້ອາວຸດ. ພວກຂ້າພະເຈົ້າຮັກສາທັດສະນະເປັນກາງໃນບັນດາການຖະແຫຼງອະທິປະໄຕ ແລະ ປະຫວັດຊາດ ແຕ່ຈະສະໜັບສະໜູນບັນດາຄວາມມານະພະຍາຍາມແກ້ໄຂການພິດພາດໂດຍສັບຕິ, ເໝາະສົມກັບກົດໝາຍສາກົນ. ພວກຂ້າພະເຈົ້າສະໜັບສະໜູນການສຳພັດຫລາຍຝ່າຍເພື່ອແກ້ໄຂບັນດາບັນຫາບົນທະເລ .”