ອາເມລິກາ ເລື່ອນເວລາປະຕິບັດຄຳສັ່ງຫ້າມ Huawei ຊື້ອຸປະກອນຈາກວິສາຫະກິດ ອາເມລິກາ ຕື່ມອີກ 90 ວັນ
(VOVWORLD) -ວັນທີ 19 ສິງຫາ, ທ່ານ Wilbur Ross ລັດຖະມົນຕີການຄ້າ ອາເມລິກາ ໄດ້ແຈ້ງວ່າຈະ ເລື່ອນ ເວລາປະຕິບັດຄຳສັ່ງຫ້າມກຸ່ມບໍລິສັດໂທລະຄົມມະນາຄົມ ຈີນ Huawei ຊື້ບັນດາອຸປະກອນຈາກວິສາຫະກິດ ອາເມລິກາ ຕື່ມອີກ 90 ວັນ, ພ້ອມທັງເພີ່ມເຕີມອີກກ່ວາ 40 ບໍລິສັດ ລູກຂອງ Huawei ເຂົ້າບັນຊີລາຍຊື່ບັນດາອົງການຖືກຫ້າມ.
 ສັນຍະລັກຂອງ ບໍລິສັດໂທລະຄົມມະນາຄົມ HUAWEI, ປະເທດ ຈີນ (ພາບ: AFP/TTXVN) |
ທ່ານ Ross ຊີ້ແຈ້ງວ່າ ນີ້ແມ່ນໄລຍະທີ່ຈຳເປັນເພື່ອໃຫ້ບັນດາວິສາຫະກິດໂທລະຄົມມະນາຄົມຂອງ ອາເມລິກາ ຫຼຸດຜ່ອນການເອືຶ່ອຍອີງ Huawei ຄືໃນປັດຈຸບັນ ແລະ ຊ່ວຍໃຫ້ການເຄື່ອນໄຫວດຳເນີນທຸລະກິດບໍ່ຖືກ ຂາດວັກຂາດຕອນ.
ແລະກໍ່ໃນວັນດຽວກັນ, ຈີນໄດ້ຮຽກຮ້ອງ ອາເມລິກາ ປະຕິບັດຄຳໝັ້ນສັນຍາຫຼຸດຜ່ອນມາດຕະການຮັດກຸມສຳລັບບັນດາບໍລິສັດ ອາເມລິກາ ຂາຍອຸປະກອນໃຫ້ແກ່ກຸ່ມບໍລິສັດ Huawei. ທີ່ກອງປະຊຸມຖະແຫຼງຂ່າວປະຈຳເດືອນ, ທ່ານ ເກີງຊວາງ ໂຄສົກກະຊວງການຕ່າງປະເທດຈີນໄດ້ຊີ້ແຈ້ງວ່າ ຈີນປາດຖະໜາວ່າ ອາເມລິກາ ຈະຢຸດ “ການກໍ່ກຳລັງດັນ ແລະ ວາງອອກບັນດາຄຳສັ່ງລົງໂທດທີ່ໄຮ້ເຫດຜົນກໍ່ກັບ Huawei “ ກໍ່ຄືບັນດາບໍລິສັດຕ່າງໆຂອງຈີນ.