ຮອງນາຍົກລັດຖະມົນຕີ ຫງວຽນຊວນຟຸກໃຫ້ການ ຕ້ອນຮັບລັດຖະມົນຕີ ອົງການບຸກຄະລາກອນ ແຫ່ງຊາດຍີ່ປຸ່ນ
(ພາບ: VGP/Lê Sơn)
(vovworld) – ທີ່ການຕ້ອນຮັບທ່ານ Kozo Yoshida ລັດຖະມົນຕີອົງການບຸກຄະລາກອນແຫ່ງຊາດຍີ່ປຸ່ນ ເມື່ອຕອນບ່າຍວັນທີ 6/11, ທ່ານຮອງນາຍົກລັດຖະມົນຕີ ຫງວຽນຊວນຟຸກ ໄດ້ຂອບອົກຂອບໃຈການໜູນຊ່ວຍອັນຕັ້ງໜ້າຂອງລັດຖະບານ ແລະ ປະຊາຊົນຍີ່ປຸ່ນ, ໃນນັ້ນ, ມີການຮ່ວມມື ແລະ ໜູນຊ່ວຍຢ່າງຕັ້ງໜ້າຂອງອົງການບຸກຄະລາກອນແຫ່ງຊາດຍີ່ປຸ່ນ ຕໍ່ບັນດາການເຄື່ອນໄຫວໜູນຊ່ວຍການປະຕິຮູບລະບອບລັດຖະການລັດຖະກອນຂອງຫວຽດນາມ. ທ່ານຮອງນາຍົກລັດຖະ ມົນຕີຫງວຽນຊວນຟຸກ ເນັ້ນໜັກວ່າ, ອົງການບຸກຄະລາກອນແຫ່ງຊາດຍີ່ປຸ່ນ ໄດ້ໜູນຊ່ວຍກະຊວງພາຍໃນຫວຽດນາມ ປະຕິບັດບັນດາການເຄື່ອນໄຫວກ່ຽວຂ້ອງເຖິງການຈັດຕັ້ງການເສັງຄັດເລືອກລວມສູນ. ການເຄື່ອນໄຫວນີ້ມີຄວາມໝາຍສຳຄັນໃນການຮັບປະກັນບັນດາການເຄື່ອນໄຫວກ່ຽວຂ້ອງເຖິງຄຸນນະພາບລັດຖະກອນເຮັດວຽກໃນພາກລັດ, ຍົກສູງຄວາມເຊື່ອໝັ້ນຂອງປະຊາຊົນຍິ່ງກ່ວາອີກ ແລະ ຄວາມຈະແຈ້ງ, ເປີດເຜີຍ ແລະ ມີຄວາມຍຸດຕິທຳໃນການເສັງຄັດເລືອກເຂົ້າບັນດາອົງການສຳນັກງານຂອງລັດ.
ສ່ວນທ່ານ Kozo Yoshida ລັດຖະມົນຕີອົງການບຸກຄະລາກອນແຫ່ງຊາດຍີ່ປຸ່ນ ໃຫ້ຮູ້ວ່າ ອົງການບຸກຄະລາກອນແຫ່ງຊາດຍີ່ປຸ່ນ ຈະແບ່ງປັນບັນດາບົດຮຽນກັບຫວຽດນາມ ເພື່ອສຳເລັດການຄຸ້ມຄອງລັດຖະການລັດຖະກອນຢູ່ຫວຽດນາມ ໃນໄລຍະຈະມາເຖິງ./.