( vovworld ) - ຕອນບ່າຍວັນທີ 22/2, ຢູ່ ຮ່າໂນ້ຍ, ໃນການຕ້ອນຮັບຄະນະຜູ້ແທນວິສາຫະກິດອາເມລິກາ ໂດຍທ່ານເອກອັກຄະລັດຖະທູດອາເມລິກາ ປະຈຳສິງກະໂປ David Adelman ເປັນຫົວໜ້າຄະນະ, ທ່ານຮອງນາຍົກລັດຖະມົນຕີ ຫງວຽນຊວນຟູ໋ກ ຊົມເຊີຍຄະນະຜູ້ແທນວິສາຫະກິດອາເມລິກາ ມາຫວຽດນາມ ເພື່ອຊອກຫາກາລະໂອກາດການລົງທຶນ, ດຳເນີນທຸລະກິດ. ທ່ານຮອງນາຍົກລັດຖະມົນຕີໄດ້ຢືນຢັນວ່າ ຫວຽດນາມ ປາດຖະໜາຢາກຮ່ວມມື ແລະ ພ້ອມແລ້ວທີ່ຈະສ້າງທຸກເງື່ອນໄຂສະດວກເພື່ອໃຫ້ບັນດາວິສາຫະກິດອາເມລິກາ ເຄື່ອນໄວລົງທຶນ, ດຳເນີນທຸລະກິດຢູ່ຫວຽດນາມ. ທ່ານເອກອັກຄະລັດຖະທູດ David Adelman ກໍເນັ້ນໜັກວ່າ ບັນດາວິສາຫະກິດອາເມລິກາ ປາດຖະໜາຢາກຊອກຫາກາລະໂອກາດທຳມະຫາກິນຢູ່ຫວຽດນາມ ເພາະວ່ານີ້ແມ່ນຕະຫຼາດທີ່ມີຄວາມສາມາດບົ່ມຊ້ອນ, ແມ່ນພື້ນຖານເສດຖະກິດທີ່ໄດ້ຮັບການຕີລາຄາວ່າພັດທະນາຢ່າງຂະຫຍັນຂັນເຄື່ອນ. ທ່ານເອກອັກຄະລັດທະທູດປາດຖະໜາວ່າ ໃນໄລຍະທີ່ຈະມາເຖິງ, ແຫຼ່ງຊັບພະຍາກອນ ແລະ ຄົນງານຢູ່ຫວຽດນາມ ຈະນັບມື້ນັບຍົກສູງດ້ານຄຸນນະພາບເພື່ອຕອບສະໜອງຄວາມຮຽກຮ້ອງໃນການພັດທະນາ.