ຮອງນາຍົກລັດຖະມົນຕີ ຫວູວັນນິງ ເປັນປະທານ ກອງປະຊຸມຜັນຂະຫຍາຍມະຕິເລກທີ 67 ກ່ຽວກັບການພັດທະນາສິນໃນນ້ຳ
(ພາບປະກອບ)
(vovworld) – ຕອນເຊົ້າວັນທີ 22/08, ຢູ່ນະຄອນຍາຈາງ, ແຂວງແຄ໋ງຮ່ວາ, ທ່ານຮອງນາຍົກລັດຖະມົນຕີ ຫວູວັນນິງ ໄດ້ເປັນປະທານກອງປະຊຸມທົ່ວປະເທດຜັນຂະຫຍາຍມະຕິເລກທີ 67/2014 ຂອງລັດຖະບານກ່ຽວກັບບາງນະໂຍບາຍພັດທະນາສິນໃນນ້ຳ. ຈຸດໃໝ່ສຳຄັນຂອງມະຕິເລກທີ 67 ແມ່ນກຳນົດຢ່າງຄົບຖ້ວນ, ມີລະບົບ, ຄົບຊຸດບັນດານະໂຍບາຍພື້ນຖານໃຫ້ແກ່ການສົ່ງເສີມຊາວປະມົງຕໍ່ກຳປັ່ນມີຄວາມແຮງສູງ, ຫຸ້ມເຫຼັກເພື່ອຄ່ອຍໆຫັນການຫາປາຢູ່ເຂດໃກ້ຝັ່ງ ໄປສູ່ການຫາປາຢູ່ເຂດໄກຝັ່ງທີ່ມີມູນຄ່າເສດຖະກິດສູງກວ່າ, ພ້ອມທັງປະກອບສ່ວນປົກປັກຮັກສາບັນດາເຂດທະເລຂອງຫວຽດນາມ. ນັ້ນແມ່ນບັນດານະໂຍບາຍກ່ຽວກັບການສ້າງພື້ນຖານໂຄງລ່າງໃຫ້ແກ່ການຂຸດຄົ້ນສິນໃນນ້ຳລວມທັງທ່າກຳປັ່ນປ່າ, ທ່າປ່າ, ນະໂຍບາຍສິນເຊື່ອ, ນະໂຍບາຍໃຫ້ກູ້ຢື່ມທຶນເຄື່ອນທີ່, ນະໂຍບາຍປະກັນໄພກຳປັ່ນ, ປະກັນໄພໃຫ້ລູກເຮືອ. ພິເສດ, ມະຕິໄດ້ສົ່ງເສີມຊາວປະມົງຕໍ່ກຳປັ່ນທີ່ມີຄວາມແຮງສູງ ຫຸ້ມເຫຼັກ, ດ້ວຍໄລຍະເວລາກູ້ຢື່ມທຶນແມ່ນ 11 ປີ ແລະ ອັດຕາ ດອກເບ້ຍພິເສດແມ່ນແຕ່ 1 – 3%/ປີ.