ຮອງປະທານສະພາແຫ່ງຊາດຫວຽດນາມຕ້ອນຮັບຄະນະຜູ້ແທນສູນກາງສະມາຄົມມິດຕະພາບລາວ-ຫວຽດນາມ
ທ່ານ ນາງ ຕ່ອງທິຟ໋ອງຕ້ອນຮັບຄະນະຜູ້ແທນສູນກາງສະມາຄົມມິດຕະພາບ
ລາວ-ຫວຽດນາມ ໂດຍ ທ່ານ ວິໄລວົງ ບຸດດາຄຳ, ຫົວໜ້າຄະນະ
(vovworld)- ຕອນບ່າຍ ວັນທີ 23/11, ທີ່ສຳນັກງານສະພາແຫ່ງຊາດ, ທ່ານ ນາງ ຕ່ອງທິຟ໋ອງ, ຮອງປະທານຜູ້ປະຈຳການສະພາແຫ່ງຊາດຫວຽດນາມ ໄດ້ຕ້ອນຮັບຄະນະຜູ້ແທນສູນກາງສະມາຄົມມິດຕະພາບລາວ-ຫວຽດນາມ ໂດຍ ທ່ານ ວິໄລວົງ ບຸດດາຄຳ, ຫົວໜ້າຄະນະກຳມະການແຜນການ-ການເງິນ ແລະ ກວດສອບ ຂອງສະພາແຫ່ງຊາດລາວ, ປະທານສູນກາງສະມາຄົມມິດຕະພາບລາວ-ຫວຽດນາມ ນຳໜ້າຄະນະ ພວມຢ້ຽມຢາມ ແລະ ເຮັດວຽກ ຢູ່ຫວຽດນາມ. ທ່ານ ນາງ ຕ່ອງທິຟ໋ອງ, ຮອງປະທານສະພາແຫ່ງຊາດ ເຊື່ອໝັ້ນວ່າ: ການຢ້ຽມຢາມຂອງຄະນະ ຈະປະກອບສ່ວນປັບປຸງ, ເພີ່ມທະວີນຳໃຈສາມັກຄີແບບພິເສດ, ການຮ່ວມມືຮອບດ້ານ ລະຫວ່າງ ສອງພັກ, ສອງລັດ. ທ່ານ ນາງ ຕ່ອງທິຟ໋ອງ, ຮອງປະທານສະພາແຫ່ງຊາດ ຢືນຢັນວ່າ: ຫວຽດນາມ ຈະສົມທົບ ກັບລາວ ຢ່າງແໜ້ນແຟ້ນ ໃນການຈັດຕັ້ງບັນດາການເຄື່ອນໄຫວ: ສະເຫຼີມສະຫຼອງ 55 ປີ ແຫ່ງວັນສ້າງຕັ້ງສາຍພົວພັນທາງການທູດ ຫວຽດນາມ-ລາວ ແລະ 40 ປີ ແຫ່ງວັນເຊັນສົນທິສັນຍາມິດຕະພາບ, ການຮ່ວມມື ຫວຽດນາມ-ລາວ, ທີ່ພິທີເປີດສະຫຼອງປູ່ສະນີຍະສະຖານປະຫວັດສາດ ຫວຽດນາມ-ລາວ, ລາວ-ຫວຽດນາມ. ທ່ານ ນາງ ຕ່ອງທິຟ໋ອງ, ຮອງປະທານ ສະພາແຫ່ງຊາດ ສະເໜີ ສູນກາງສະມາຄົມມິດຕະພາບ ຫວຽດນາມ-ລາວ, ລາວ-ຫວຽດນາມ ຍູ້ແຮງວຽກງານໂຄສະນາເຜີຍແຜ່ ໃນປະຊາຊົນທຸກຊັ້ນຄົນ, ເປັນຕົ້ນແມ່ນຄົນລຸ່ນໜຸ່ມສອງປະເທດ ກ່ຽວກັບສາຍພົວພັນມິດຕະພາບທີ່ເປັນມູນເຊື້ອ, ການຮ່ວມມືຮອບດ້ານ ລະຫວ່າງ ສອງປະເທດ.