(VOVWORLD) -ທ່ານນາຍົກລັດຖະມົນຕີຖືວ່າ ເຂດທ່ົງພຽງແມ່ນ້ຳຂອງທາງພາກໃຕ້ ຫວຽດນາມ ບໍ່ພຽງແຕ່ແມ່ນສະຖານທີ່ຍຸດທະສາດທາງດ້ານກະສິກຳ, ເຂດຜະລິດເຂົ້າສານ, ໝາກໄມ້, ສິນໃນນ້ຳເທົ່ານັ້ນ ຫາກຍັງແມ່ນບັນດາກຳລັງໜູນເພື່ອຊຸກຍູ້ການພັດທະນາເສດຖະກິດລວມໃນທົ່ວປະເທດ ອີກດ້ວຍ.
ທ່ານນາຍົກລັດຖະມົນຕີ ຫງວຽນຊວັນຟຸກ ກ່າວຄຳເຫັນທີ່ການເຮັດວຽກ (ພາບ: VGP) |
ຕອນເຊົ້າວັນທີ 1 ສິງຫາ, ຢູ່ນະຄອນເກິ່ນເທີ, ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ໄດ້ເຮັດວຽກກັບການນຳຫຼັກແຫຼ່ງບັນດາແຂວງ, ນະຄອນເຂດທົ່ງພຽງແມ່ນ້ຳຂອງທາງພາກໃຕ້ ຫວຽດນາມ. ນີ້ແມ່ນບັນດາລາຍການເຮັດວຽກຂອງທ່ານນາຍົກລັດຖະມົນຕີ ກັບບັນດາເຂດເສດຖະກິດໃນທົ່ວປະເທດ, ເພື່ອແນໃສ່ຊຸກຍູ້ການປ່ອຍເງິນລົງທຶນສາທາລະນະ ແລະ ປະຕິບັດບັນດາໜ້າທີ່ພັດທະນາເສດຖະກິດ - ສັງຄົມໃນສະພາບການເກີດໂລກລະບາດ Covid – 19.
ກ່າວຄຳເຫັນເລີ່ມຕົ້ນການເຮັດວຽກ, ທ່ານນາຍົກລັດຖະມົນຕີ ຫງວຽນຊວັນຟຸກ ຊີ້ແຈ້ງວ່າ: ຢູ່ພາກກາງ ໂລກລະບາດໄດ້ກັບມາລະບາດຄືນໃໝ່ ແລະ ມີການຜັນແປຢ່າງສັບສົນ. ໄປຄຽງຄູ່ກັນນັ້ນ, ເສດຖະກິດໃນໂລກກໍ່ຊຸດໂຊມຢ່າງແຮງ, ໃນນັ້ນ ນັບທັງບັນດາຄູ່ຮ່ວມມືສຳຄັນຂອງຫວຽດນາມ. ໃນສະພາບການນັ້ນ, ທ່ານນາຍົກລັດຖະມົນຕີ ໄດ້ຮຽກຮ້ອງໃຫ້ບັນດາທ້ອງຖິ່ນບໍ່ຄວນປະໝາດ, ໃນການປ້ອງກັນ, ສະກັດກັ້ນໂລກລະບາດ Covid – 19, ແຕ່ກໍ່ຕ້ອງມານະພະຍາຍາມປະຕິບັດເປົ້າໝາຍຄວບຄູ່.
ດ້ວຍຄວາມຕັດສິນໃຈສູງ, ທ່ານນາຍົກລັດຖະມົນຕີຖືວ່າ ເຂດທ່ົງພຽງແມ່ນ້ຳຂອງທາງພາກໃຕ້ ຫວຽດນາມ ບໍ່ພຽງແຕ່ແມ່ນສະຖານທີ່ຍຸດທະສາດທາງດ້ານກະສິກຳ, ເຂດຜະລິດເຂົ້າສານ, ໝາກໄມ້, ສິນໃນນ້ຳເທົ່ານັ້ນ ຫາກຍັງແມ່ນບັນດາກຳລັງໜູນເພື່ອຊຸກຍູ້ການພັດທະນາເສດຖະກິດລວມໃນທົ່ວປະເທດ ອີກດ້ວຍ.