ເຊີດຊູບັນດາກຸ່ມບໍລິສັດ, ບໍລິສັດໃຫຍ່ກຸ່ມວິສາ ຫະກິດສູນກາງ
(ພາບປະກອບ)
(vovworld) – “ຂີດໝາຍປີ 2013”, ເຊິ່ງແມ່ນງານພົບປະແລກປ່ຽນເຊີດຊູການປະກອບສ່ວນຂອງກຸ່ມບໍລິສັດ, ບໍລິສັດໃຫຍ່ ແລະ ທະນາຄານກຸ່ມວິສາຫະກິດສູນກາງ ໂດຍອົງຄະນະພັກກຸ່ມວິສາຫະກິດສູນກາງຈັດຕັ້ງໃນຕອນບ່າຍວັນທີ 19/01. ເຂົ້າຮ່ວມງານພົບປະແລກປ່ຽນ ມີບັນດາກຸ່ມບໍລິສັດ, ບໍລິສັດໃຫຍ່ ແລະ ທະນາຄານທີ່ພັດທະນາຢ່າງໝັ້ນຄົງເຂັ້ມແຂງ, ປະກອບສ່ວນນຳຍອດລາຍຮັບງົບປະມານແຫ່ງຊາດໃນກຸ່ມຂຶ້ນເຖິງເກືອບ 300.000 ຕື້ດົງ, ກວມເກືອບ 37% ຍອດລາຍຮັບງົບປະມານແຫ່ງຊາດ ໜູນຊ່ວຍ 3.100 ຕື້ດົງເພື່ອປະຕິບັດວຽກງານຮັບປະກັນຊີວິດສັງຄົມ. ບັນດາເຫດການພົ້ນເດັ່ນຂອງທົ່ວກຸ່ມໃນປີ 2013 ໄດ້ຮັບການເຊີດຊູທີ່ງານພົບປະແລກປ່ຽນຄື: ໂຄງການກັ່ນນ້ຳມັນ ງີເຊີນ ແລະ ໂຄງການທະເລຕາເວັນອອກ 01 ຂອງກຸ່ມບໍລິສັດນ້ຳມັນອາຍແກັດຫວຽດນາມ; ກິດຈະກຳສາຍກາບໄຟຟ້າໃຕ້ທະເລຍາວກວ່າໝູ່ຢູ່ອາຊີຕາເວັນອອກສ່ຽງໃຕ້, ຈາກທະເລ ຮ່າຕຽນ ຮອດ ຟຸ໋ກ໋ວກ ໂດຍກຸ່ມບໍລິສັດໄຟຟ້າຫວຽດນາມ ປະຕິບັດ.
ທ່ານເລຂາຄະນະພັກກຸ່ມວິສາຫະກິດສູນກາງ ບຸຍວັນເກື່ອງ ໃຫ້ຮູ້ວ່າ, ຈຸດໝາຍປີ 2014 ຂອງທົ່ວກຸ່ມແມ່ນສຸມໃສ່ຍູ້ແຮງການປະຕິບັດແຜນຮ່າງສ້າງໂຄງປະກອບວິສາຫະກິດ, ທະນາຄານຄືນໃໝ່, ສືບຕໍ່ຫັນລັດສາຫະກິດເປັນຫູ້ນສ່ວນ, ຍົກສູງປະສິດທິຜົນການຜະລິດ, ດຳເນີນທຸລະກິດ; ເພີ່ມທະວີການຊີ້ນຳ ນຳພາຂອງພັກໃນວິສາຫະກິດແຫ່ງລັດ.