ທ່ານຮອງນາຍົກລັດຖະມົນຕີ ຮ່ວາງຈູງຫາຍພົບປະກັບ
ນັກທຸລະກິດຫວຽດນາມຢູ່ຕ່າງປະເທດ
ພາບປະກອບ:quehuong
|
(vovworld)- ກອງປະຊຸມນັກທຸລະກິດຫວຽດນາມໃນທົ່ວໂລກ ຫາກໍດຳເນີນໄປໃນວັນທີ 11 ແບະ 12/11 ຢູ່ ນະຄອນຫລວງ ມົດສະກູ ປະເທດ ລັດເຊຍ ໂດຍມີການເຂົ້າຮ່ວມຂອງນັກທຸລະກິດຫວຽດນາມ ຢູ່ພາຍໃນປະເທດ ກວ່າ 200 ຄົນ ແລະ ນັກທຸລະກິດຫວຽດນາມ ຢູ່ ລັດເຊຍ ແລະ ຫລາຍປະເທດໃນໂລກກວ່າ 100 ຄົນ. ກ່າວຄຳເຫັນໄຂກອງປະຊຸມ, ທ່ານ ຫງວຽນແທງເຊີນ, ເອກອັກຄະລັດຖະທູດ ຫວຽດນາມ ປະຈຳລັດເຊຍ ເນັ້ນຫນັກວ່າ:
“ ຜ່ານກອງປະຊຸມຄັ້ງນີ້ ບັນດາວິສາຫະກິດຫວຽດນາມ ຢູ່ ພາຍໃນປະເທດ ກໍຄື ຢູ່ຕ່າງປະເທດ ຈະຊອກຮູ້ຄູ່ຮ່ວມມືໄດ້ຫລາຍກວ່າໃນບັນດາວິສາຫະກິດຊັ້ນນຳຂອງສະຫະພັນລັດເຊຍ.”
ເມື່ອເວົ້າເຖິງບັນດາກາລະໂອກາດ ແລະ ສິ່ງທ້າທາຍ ຈາກບັນດາສັນຍາການຄ້າ ຊື່ງຫວຽດນາມ ໄດ້, ພວມ ແລະ ໃກ້ຈະເຂົ້າຮ່ວມ, ທ່ານ ໂດທັງຫາຍ, ລັດຖະມົນຕີຊ່ວຍວ່າການກະຊວງອຸດສາຫະກຳ ແລະ ການຄ້າ ຫວຽດນາມ ຖືວ່າ:
“ພວກຂ້າພະເຈົ້າສະເຫນີບັນດາວິສາຫະກິດ ຈົ່ງຄົ້ນຄ້ວາເນື້ອໃນສັນຍາຢ່າງລະອຽດເພື່ອຍາດແຍ່ງບັນດາກາລະໂອກາດຊື່ງສັນຍານຳມາໃຫ້, ປະກອບສ່ວນຊຸກຍູ້ການສົ່ງອອກສິນຄ້າຂອງຫວຽດນາມ ອອກສູ່ໂລກ, ພິເສດ ແມ່ນຈຳຫນ່າຍສິນຄ້າ “Made in Viet Nam” ຜ່ານບັນດາລະບົບຂາຍສົ່ງຂາຍຍົກຂອງບັນດາວິສາຫະກິດຢູ່ປະເທດປະຈຳຖິ່ນ, ໃນນັ້ນ ມີບັນດາວິສາຫະກິດຫວຽດນາມ.”