ເພີ່ມທະວີການຮ່ວມມືດ້ານເຕັກໂນໂລຊີຂໍ້ມູນຂ່າວສານ ຫວຽດນາມ - ຍີ່ປຸ່ນ
ທ່ານ ຫງວຽນແທ່ງຮຶງ, ລັດຖະມົນຕີຊ່ວຍວ່າການ
ກະຊວງຖະແຫຼງຂ່າວ ແລະ ສື່ສານ
(ພາບ: vietbao.vn)
(vovworld) – ຕອນເຊົ້າວັນທີ 15/01, ຢູ່ຮ່າໂນ້ຍ, ກະຊວງຖະແຫຼງຂ່າວ ແລະ ສື່ສານ ຫວຽດນາມ ໄດ້ສົມທົບກັບກະຊວງພາຍໃນ ແລະ ສ່ືສານຍີ່ປຸ່ນ ຈັດຕັ້ງເວທີປາໄສ ແລະ ງານວາງສະແດງເຕັກໂນໂລຊີຖະແຫຼງຂ່າວ, ສື່ສານ ຫວຽດນາມ - ຍີ່ປຸ່ນ. ກ່າວຄຳເຫັນໄຂກອງປະຊຸມ, ທ່ານ ຫງວຽນແທ່ງຮຶງ, ລັດຖະມົນຕີຊ່ວຍວ່າການກະຊວງຖະແຫຼງຂ່າວ ແລະ ສື່ສານ ຢືນຢັນວ່າ, ໃນຂົງເຂດຖະແຫຼງຂ່າວ, ສື່ສານ, ບັນດາໂຄງການຮ່ວມທຸລະກິດ, ຮ່ວມມືລະຫວ່າງຫວຽດນາມ - ຍີ່ປຸ່ນ ລ້ວນແຕ່ເຄື່ອນໄຫວຢ່າງໝັ້ນຄົງ, ນຳມາເຊິ່ງປະສິດທິຜົນສູງ. ບັນດາກຸ່ມບໍລິສັດໃຫຍ່, ບໍລິສັດຂະໜາດກາງ ແລະ ນ້ອຍ, ສະຖາບັນຄົ້ນຄວ້າຂອງ 2 ປະເທດ ພວມຢື່ນຢູ່ຕໍ່ໜ້າຄວາມສາມາດບົ່ມຊ້ອນ ແລະ ແງ່ຫວັງຮ່ວມມືໃໝ່. ທ່ານ ຫງວຽນແທ່ງຮຶງ, ລັດຖະມົນຕີຊ່ວຍວ່າການກະຊວງຖະແຫຼງຂ່າວ ແລະ ສື່ສານ ເນັ້ນໜັກວ່າ.
“ຫວຽດນາມ ຈະມີກາລະໂອກາດໂຄສະນາກັບບັນດາວິສາຫະກິດຍີ່ປຸ່ນ ກ່ຽວກັບສະພາບແວດລ້ອມແຫ່ງການລົງທຶນ, ນະໂຍບາຍພິເສດ. ບັນດາວິສາຫະກິດຍີ່ປຸ່ນ ຈະໂຄສະນາການນຳໃຊ້ເຕັກໂນໂລຊີໃນຂົງເຂດກະສິກຳ, ຄົມມະນາຄົມ, ສິ່ງແວດລ້ອມ… ນີ້ກໍ່ແມ່ນຄວາມເອົາໃຈໃສ່ຂອງວິສາຫະກິດ, ອົງການຂອງຫວຽດນາມ. ກ່ຽວກັບດ້ານເນື້ອໃນ ແລະ ໂທລະພາບດີຈີຕອນ, ການຮ່ວມມື ແລະ ທາບທາມບົດຮຽນຈາກຍີ່ປຸ່ນ ຈະຊ່ວຍໃຫ້ບັນດານັກສະໜອງການບໍລິການຢູ່ຫວຽດນາມ ສາມາດຂຸດຄົ້ນຮູບແບບບໍລິການໃໝ່ຢ່າງມີປະສິດທິຜົນ. ກ່ຽວກັບການຮ່ວມມືພັດທະນາແຫຼ່ງຊັບພະຍາກອນມະນຸດ, ຍີ່ປຸ່ນ ພວມແມ່ນຕະຫຼາດໃຫຍ່ກວ່າໝູ່ຂອງຫວຽດນາມ ໃນຂົງເຂດຜະລິດຊອບແວ. ການຮ່ວມມືພັດທະນາແຫຼ່ງຊັບພະຍາກອນມະນຸດດ້ານເຕັກໂນໂລຊີຂໍ້ມູນຂ່າວສານທີ່ມີຄຸນນະພາບສູງກັບຍີ່ປຸ່ນ ຄວນສືບຕໍ່ໄດ້ຮັບການເພີ່ມທະວີຢ່າງມີປະສິດທິຜົນ ແລະ ໝັ້ນຄົງ”.