(ພາບ:baohiemxahoi.gov.vn)
( vovworld ) – ການປະຊຸມລະຫວ່າງຄະນະເລຂາສະຫະສະມາຄົມບັນດາປະເທດອາຊີຕາເວັນອອກສ່ຽງໃຕ້ (ASEAN) ແລະ ຄະນະເລຂາສະມັດຊາໃຫ່ຍລັດຖະສະພາລະຫວ່າງຊາດອາຊຽນ (AIPA) ຊື່ງໄດ້ດຳເນີນໃນວັນທີ 6/9 ຢູ່ Bali ປະເທດ Indonexia ເພື່ອແນ່ໃສ່ເພີ່ມທະວີການຮ່ວມມື ແລະ ຊ່ວຍເຫຼືອຊື່ງກັນ ໃນວິວັດທະນາການສ້າງປະຊາຄົມອາຊຽນ ໃນປີ 2015. ກ່າວຄຳເຫັນທີ່ກອງປະຊຸມ, ທ່ານ Bagas Hapsoro ຮອງເລຂາທິການໃຫ່ຍ ASEAN ຢືນຢັນວ່າ: ການສ້າງປະຊາຄົມອາຊຽນ ຮຽກຮ້ອງໃຫ້ມີການໜູນຊ່ວຍຈາກບັນດາອົງການນິຕິ ບັນຍັດຂອງບັນດາປະເທດສະມາຊິກ. ທ່ານຮອງເລຂາທິການໃຫ່ຍ Bagas Hapsoro ຫວັງວ່າ, ການປະຊຸມຈະຊ່ວຍໃຫ້ສອງອົງການເຂົ້າໃຈແຈ້ງກ່ວາກ່ຽວກັບບົດບາດ, ໜ້າທີ່ຂອງກັນ, ຈາກນັ້ນຈະກຳນົດຢ່າງຈະແຈ້ງບັນດາພື້ນຖານແຫ່ງການຮ່ວມມື ແລະ ຍົກອອກບັນດາຂໍ້ສະເໜີທີ່ມີລັກສະນະສ້າງສັນເພື່ອເພີ່ມທະວີ, ຕິດພັນການເຄື່ອນໄຫວ ແລະ ໜູນຊ່ວຍປະຊາຄົມ ASEAN. ສ່ວນທ່ານເລຂາທິການໃຫ່ຍອົງການ AIPA Antonio Cuenco ເນັ້ນໜັກວ່າ ASEAN ຕ້ອງໄດ້ຮັບການໜູນຊ່ວຍໃນວິວັດທະນະການແຫ່ງການພັດທະນາເພື່ອກາຍເປັນປະຊາຄົມໝັ້ນຄົງເຂັ້ມແຂງ, ຕັ້ງໜ້າ ແລະ ວັດທະນະຖາວອນ.