(vovworld) - ຕອນເຊົ້າວັນທີ 23/7, ຢູ່ນະຄອນ ດ່ານັ້ງ, ໄດ້ຈັກກອງປະຊຸມສຳມະນາສາກົນປະຈຳປີຄັ້ງທຳອິດ, ດ້ວຍຫົວຂໍ້ວ່າ: ”ບົດບາດຂອງ 3 ປະເທດຫວຽດນາມ - ລາວ - ກຳປູເຈຍ ດ້ວຍການຮ່ວມມືອະນຸພາກພື້ນແມ່ນ້ຳຂອງເປີດກວ້າງໃນສະຖານະການໃໝ່”. ກອງປະຊຸມສຳມະນານີ້ແມ່ນໜຶ່ງໃນບັນດາການເຄື່ອນໄຫວເພື່ອແນໃສ່ຫັນບັນດາຂໍ້ມາດຕາໃນກອງປະຊຸມສຳມະນາປະຈຳປີ ກ່ຽວກັບວິທະຍາສາດສັງຄົມ ລະຫວ່າງສາມປະເທດຫວຽດນາມ - ລາວ - ກຳປູເຈຍ, ເຊິ່ງໄດ້ຮັບການເຫັນດີເປັນເອກະພາບໃນບົດບັນທຶກຊ່ວຍຈຳ ຂໍ້ຕົກລົງຮ່ວມມືດ້ານວິທະຍາສາດລະຫວ່າງສະຖາບັນວິທະຍາສາດສັງຄົມ ສາມປະເທດໃຫ້ເປັນລະອຽດ. ບັນດາບົດປະກອບຄວາມເຫັນທີ່ກອງປະຊຸມສຳມະນາໄດ້ສູມໃສ່ເນື້ອໃນຕ່າງໆເຊັ່ນ: ການຮ່ວມມືທາງດ້ານເສດຖະກິດ, ການຮ່ວມມືທາງດ້ານວັດທະນະທຳ ແລະ ການສຶກສາ; ການຮ່ວມມືທາງດ້ານວິທະຍາສາດ ເຕັກນິກ; ການເຕີບໂຕຂຽວຢູ່ອະນຸພາກພື້ນແມ່ນ້ຳຂອງ… ທ່ານ Nguyen Quang Thuan, ຮອງປະທານສະຖາບັນວິທະຍາສາດ ສັງຄົມ ຫວຽດນາມ, ໃຫ້ຮູ້ວ່າ:
”ບັນດານັກວິທະຍາສາດ 3 ປະເທດປຶກສາຫາລືໂດຍກົງ ກ່ຽວກັບບັນຫາຮ່ວມມືໃນອະນຸພາກພື້ນແມ່ນ້ຳຂອງເປີດກວ້າງ, ບັນຫາສາມຫຼ່ຽມພັດທະນາ; ບົດບາດຂອງຫວຽດນາມ - ລາວ - ກຳປູເຈຍ ໃນການຮ່ວມມືອະນຸພາກພື້ນ, ບັນດາບັນຫາພັດທະນາການຮ່ວມມືພັດທະນາ; ຜົນງານແງ່ຫວັງໃນການຮ່ວມມືຄົ້ນຄ້ວາວິທະຍາສາດຂອງສາມປະເທດ”.