ເລີ່ມລົງມືກໍ່ສ້າງຂົວໄປລວນ2ຂ້າມຜ່ານຊາຍແດນຫວຽດນາມ-ຈີນ
ທ່ານເລກວາງຕູ່ງ, ຮອງປະທານຄະນະກຳມະການປະຊາຊົນແຂວງ ກວາງນິງ ກ່າວຄຳເຫັນທີ່ພິທີເລີ່ມລົງມືກໍ່ສ້າງ
(vovworld) – ພິທີເລີ່ມລົງມືກໍ່ສ້າງຂົວໄປລວນ ຖືກດຳເນີນໄປໃນຕອນເຊົ້າວັນທີ 22/11, ຢູ່ນະຄອນ ມ໋ອງກ໋າຍ, ແຂວງ ກວາງນີງ. ກິດຈະກຳມີຄວາມໝາຍສຳຄັນໃນການພັດທະນາການຄ້າລະຫວ່າງ 2 ປະເທດ ຫວຽດນາມ ແລະ ຈີນ ກ່ຽວກັບການຂົນສົ່ງສິນຄ້າ, ຜູ້ໂດຍສານ, ສ້າງເງື່ອນໄຂອຳນວຍຄວາມສະດວກໃຫ້ແກ່ການ ໄປ - ມາ ແລກປ່ຽນການຄ້າ ລະຫວ່າງ 2 ຝ່າຍ.
ເລື່ອງກໍ່ສ້າງຂົວ ໄປລວນ 2 ຮັບປະກັນຫຼັກການບໍ່ເຮັດໃຫ້ປ່ຽນແປງກະແສນ້ຳໄຫຼ, ບໍ່ຮັດແຄບແມ່ນ້ຳ, 2 ຝ່າຍມີກັນກຳມະສິດຮ່ວມ. ຂົວສ້າງດ້ວຍ ເບຕົງເສີມເຫຼັກ, ກ້ວາງກ່ວາ 27 ມ, ຍາວ 618 ມ. ຍອດເງິນລົງທຶນຈາກຝ່າຍ ຫວຽດນາມແມ່ນກ່ວາ 335 ຕື້ດົ່ງ.
ທີ່ພິທີເລີ່ມລົງມືກໍ່ສ້າງ, ທ່ານເລກວາງຕູ່ງ, ຮອງປະທານຄະນະກຳມະການປະຊາຊົນແຂວງ ກວາງນິງ, ຢືນຢັນວ່າ:
“ລັດຖະບານ 2 ປະເທດ ຫວຽດນາມ ແລະ ຈີນ ໄດ້ເຊັນສັນຍາກ່ຽວກັບການກໍ່ສ້າງຂົວທາງບົກ 2 ຕັ້ງຂ້າມແມ່ນ້ຳ ໄປລວນ ເພື່ອຍົກລະດັບການພັດທະນາໃໝ່ຂອງການພົວພັນຮ່ວມມືເສດຖະກິດລະຫວ່າງ 2 ປະເທດ ຫວຽດນາມ ແລະ ຈີນ, ຕອບສະໜອງຄວາມຮຽກຮ້ອງຕ້ອງການນັບມື້ນັບສູງກ່ຽວກັບການຂົນສົ່ງສິນຄ້າ ແລະ ຜູ້ໂດຍສານ, ເປີດກ້ວາງການແລກປ່ຽນຄ້າຂາຍ, ການທ່ອງທ່ຽວ, ວັດທະນະທຳ ລະຫວ່າງ 2 ຝ່າຍ.”