ເວທີປາໄສເສດຖະກິດ ຫວຽດນາມ ປີນີ້ ສຸມໃສ່ເຂົ້າໃນຫົວເລື່ອງມຸ່ງໄປເຖິງການພັດທະນາຢ່າງວ່ອງໄວ ແລະ ຍືນຍົງ ດ້ວຍແງ່ມູມລະອຽດຫລາຍຢ່າງ.

        ເວທີປາໄສມີ 3 ຫົວເລື່ອງສະເພາະຕົ້ນຕໍ ນັ້ນແມ່ນ: ເຕັກໂນໂລຢີ, ພະລັງງານຂຽວ ແລະ ການພັດທະນາແບບຍືນຍົງ; ຍົກສູງສະມັດຕະພາບໃນສະພາບການຫັນເປັນອຸດສາຫະກຳ; ແລະ ປັບປຸງສະພາບແວດລ້ອມແຫ່ງການດຳເນີນທຸລະກິດ ໂດຍຜ່ານການປະຕິຮູບບໍລິຫານຄວາມສ່ຽງດ້ານສິນເຊື່ອໃນຂົງເຂດການຄ້າ ແລະ ການລົງທຶນ. ແຕ່ລະຫົວເລື່ອງສະເພາະ ລ້ວນແຕ່ມີການເຂົ້າຮ່ວມຂອງນັກຊ່ຽວຊານທັງພາຍໃນ ແລະ ຕ່າງປະເທດຫລາຍຄົນ. ສະເພາະແຕ່ຫົວເລື່ອງພະລັງງານຂຽວ ແລະ ການພັດທະນາແບບຍືນຍົງ ມີການເຂົ້າຮ່ວມຂອງອະດີດລັດຖະມົນຕີການຕ່າງປະເທດ ອາເມລິກາ John Kerry.