ພາບປະກອບ (vietnamnet.vn)
(vovworld) - ຕອນເຊົ້າວັນທີ 22/2, ສູນຂໍ້ມູນຂ່າວສານ, ຫໍສະໝຸດ ແລະ ຄົ້ນຄ້ວາວິທະຍາສາດ ສັງກັດຫ້ອງວ່າການສະພາແຫ່ງຊາດ ເປີດສະຫຼອງເວບໄຊ duthaoonline.quochoi.vn. ຈຸດປະສົງຂອງແວບໄຊນີ້ ແມ່ນສ້າງຊ່ອງຂໍ້ມູນຂ່າວສານສອງສົ້ນເພື່ອຕິດພັນກັບບັນດາອົງການຂອງສະພາແຫ່ງຊາດ, ບັນດາສະມາຊິກສະພາແຫ່ງຊາດກັບຜູ້ມີສິດເລືອກຕັ້ງ ແລະ ແມ່ນພາຫະນະທີ່ມີຜົນປະໂຫຍດເພື່ອໃຫ້ປະຊາຊົນສາມາດເຂົ້າຮ່ວມໂດຍກົງເຂົ້າໃນວິວັດການສ້າງກົດໝາຍຂອງສະພາແຫ່ງຊາດ. ຕາມທ່ານ ຫງວຽນຊີ້ຢູງ ຮອງຫົວຫນ້າຫ້ອງວ່າການສະພາແຫ່ງຊາດແລ້ວ, ຜ່ານເວບໄຊດັ່ງກ່າວ ຈະຊ່ວຍໃຫ້ສະພາແຫ່ງຊາດ ແລະ ບັນດາອົງການຂອງສະພາແຫ່ງຊາດ ມີຊ່ອງຂໍ້ມູນຂ່າວສານຫນຶ່ງຕື່ມອີກ ເພື່ອເກັບກຳຄຳເຫັນ, ຄວາມມຸ້ງມາດປາດຖະຫນາຂອງປະຊາຊົນ ຜ່ານນັ້ນ ຮັບໃຊ້ເລື່ອງພິຈາລະນາ, ປັບປຸງ, ຮັບຮອງເອົາຮ່າງກົດໝາຍ, ລັດຖະບັນຍັດໃຫ້ສອດຄ່ອງກັບຊີວິດກວ່າ. ທ່ານ ຫງວຽນຊີ້ຢູງ ຮອງຫົວຫນ້າຫ້ອງວ່າການສະພາແຫ່ງຊາດໄດ້ເວົ້າວ່າ:
“ແຜນຮ່າງອອນລາຍໄດ້ຮັບການສ້າງຂຶ້ນ ແມ່ນສ້າງຄວາມສະດວກໃຫ້ແກ່ປະຊາຊົນໃນການປະກອບຄຳຄິດຄຳເຫັນ ແລະ ຊ່ວຍໃຫ້ສະພາແຫ່ງຊາດຮັບຄຳເຫັນຈາກປະຊາຊົນຫລາຍກວ່າ. ຄຽງຂ້າງນັ້ນ ສຳລັບແຜນຮ່າງແຕ່ລະສະບັບ ພວກເຮົາຈະສ້າງໄດ້ຄັງຖານຂໍ້ມູນຫນຶ່ງ, ໃນນັ້ນ ບໍ່ພຽງແຕ່ຮູ້ຈັກເຖິງຄຳເຫັນຂອງປະຊາຊົນເທົ່ານັ້ນ ຫາກຍັງຮູ້ຈັກຈຳນວນຄັ້ງຮຽບຮຽງ ແລະ ຫລາຍຂໍ້ມູນຂ່າວສານທີ່ຈຳເປັນຮັບໃຊ້ວຽກງານນິຕິບັນຍັດ ແລະ ການກຳນົດທິດຄືແນວໃດຈະໄດ້ຮັບການສະຫນັບສະຫນູນຈາກປະຊາຊົນ. ສ່ວນສຳລັບບັນດານັກຄົ້ນຄ້ວານິຕິບັນຍັດ ນີ້ແມ່ນຄັງຖານຂໍ້ມູນສຳຄັນທີ່ສຸດ.”