(vovworld) – ຕອນເຊົ້າວັນທີ 22/4, ຢູ່ນະຄອນຫຼວງ ວຽງຈັນ, ທ່ານ ຫງວຽນແມ້ງຮູ່ງ, ເອກອັກຄະລັດຖະທູດ ຫວຽດນາມ ປະຈຳລາວ ໄດ້ໄປອວຍພອນທ່ານເລຂາທິການໃຫຍ່ພັກປະຊາຊົນປະຕິວັດລາວ ບຸນຍັງ ວໍລະຈິດ, ເນື່ອງໃນໂອກາດສະພາແຫ່ງຊາດ, ອົງການຕາງໜ້າໃຫ້ຄວາມມຸ່ງມາດປາດຖະໜາຂອງປະຊາຊົນ ລາວ ໃນທົ່ວປະເທດໄດ້ເລືອກຕັ້ງທ່ານເປັນປະທານປະເທດ ສປປ ລາວ. ນະທີ່ນີ້, ທ່ານເອກອັກຄະລັດຖະທູດ ຫງວຽນແມ້ງຮູ່ງ ເຊື່ອໝັ້ນວ່າ: ພາຍໃຕ້ການນຳພາຂອງທ່ານ ບຸນຍັງ ວໍລະຈິດ, ການພົວພັນລະຫວ່າງ 2 ພັກ, 2 ລັດ, 2 ລັດຖະບານ ແລະ ປະຊາຊົນ 2 ປະເທດ ຫວຽດນາມ - ລາວ ຈະສືບຕໍ່ພັດທະນາຢ່າງແຮງທັງລວງກ້ວາງ ແລະ ລວງເລິກ, ເພື່ອໃຫ້ການພົວພັນໄດ້ຮັບການປັບປຸງຢ່າງບໍ່ຢຸດຢັ້ງ ແລະ ມີຄວາມຂຽວສົດງົດງາມຕະຫຼອດໄປ.
ສ່ວນທ່ານເລຂາທິການໃຫຍ່, ປະທານປະເທດລາວ ບຸນຍັງ ວໍລະຈິດ ຢັ້ງຢືນຈະສືບຕໍ່ສະໜັບສະໜູນ ແລະ ໜູນຊ່ວຍເພື່ອໃຫ້ສະຖານທູດ ຫວຽດນາມ ແລະ ບັນດາອົງການອ້ອມຂ້າງສະຖານທູດສືບຕໍ່ປະຕິບັດໜ້າທີ່ການເມືອງຂອງຕົນຢ່າງສຳເລັດຜົນ.