ແຂວງແທງຮ໋ວາສ້າງການຮ່ວມສຳພັນຍົກສູງປະສິດທິຜົນການພັດທະນາເສດຖະກິດໃນເຂດ
ກອງປະຊຸມໃຫຍ່ອົງຄະນະພັກແຂວງແທງຮ່ວາ,
ຄັ້ງທີ 18, ໄລຍະ 2015-2020
(ພາບ: dangcongsan)
(vovworld) - ຕອນເຊົ້າວັນທີ 23/9, ຢູ່ນະຄອນແທງຮ໋ວາ ໄດ້ໄຂກອງປະຊຸມໃຫຍ່ອົງຄະນະພັກແຂວງແທງຮ່ວາ, ຄັ້ງທີ 18, ໄລຍະ 2015-2020. ກ່າວຄວາມເຫັນຊີ້ນຳກອງປະຊຸມໃຫຍ່, ທ່ານປະທານປະເທດ ເຈືອງເຕິ໋ນຊາງ ສະເໜີ, ກອງປະຊຸມໃຫຍ່ຄວນປຶກສາຫາລື, ໄຈ້ແຍກ, ເຮັດແຈ້ງສາຍເຫດຂອງບັນດາສິ່ງທີ່ຈຳກັດ, ຈາກນັ້ນວາງອອກບັນດາມາດຕະການ ເພື່ອແກ້ໄຂໃນອາຍຸການຈະມາເຖິງໂດຍໄວ. ເມື່ອເຕື້ອງເຖິງໜ້າທີ່ຂອງຊຸມປີຈະມາເຖິງ, ທ່ານປະທານປະເທດ ເຈືອງເຕິ໋ນຊາງ ຮຽກຮ້ອງວ່າ:
“ແຂວງແທງຮ່ວາ ຕ້ອງປັບປຸງສະພາບແວດລ້ອມແຫ່ງການລົງທຶນກວ່າອີກ ເພື່ອດຶງດູດທຶນທັງພາຍໃນ ແລະ ຕ່າງປະເທດ; ຍູ້ແຮງການປ່ຽນໃໝ່ ແລະ ນຳໃຊ້ຄວາມກ້າວໜ້າດ້ານວິທະຍາສາດ, ເຕັກໂນໂລຢີໃນທຸກຂະແໜງເສດຖະກິດ ແລະ ຍົກສູງຄຸນນະພາບແຫຼ່ງຊັບພະຍາກອນມະນຸດ ເພື່ອສ້າງການພັດທະນາບຸກທະລຸໃຫ້ແຂວງ. ສຸມໃສ່ລົງທຶນພັດທະນາພື້ນຖານໂຄງລ່າງ ຕາມທິດຄົບຊຸດ, ທັນສະໄໝ, ພິເສດແມ່ນຄົມມະນາຄົມ, ຊົນລະປະທານ, ພື້ນຖານໂຄງລ່າງເຂດເສດຖະກິດ ແລະ ເຂດອຸດສາຫະກຳ, ເອົາໃຈໃສ່ເຖິງ ການຮ່ວມສຳພັນກັບບັນດາແຂວງອ້ອມຂ້າງ, ຍົກສູງປະສິດທິຜົນການພັດທະນາເສດຖະກິດໃນເຂດ ແລະ ເອົາໃຈໃສ່ເຖິງການປົກປັກຮັກສາສິ່ງແວດລ້ອມ, ວາງແຜນພັດທະນາຕົວເມືອງທັນສະໄໝ. ນີ້ແມ່ນບັນດາຂົງເຂດທີ່ນັບມື້ນັບສຳຄັນ ແລະ ຮີບດ່ວນໃນວິວັດແຫ່ງການພັດທະນາຂອງແຂວງ“.
ທ່ານປະທານປະເທດ ເຈືອງເຕິ໋ນຊາງ ຍັງໃສ່ໃຈແຂວງແທງຮ໋ວາ ຄວນເອົາໃຈໃສ່ພັດທະນາບັນດາຂົງເຂດວັດທະນະທຳສັງຄົມ, ສຶກສາ, ສາທາລະນະສຸກ, ບຳລຸງສ້າງວິຊາຊີບ, ປະຕິບັດຄວາມກ້າວໜ້າ ແລະ ຄວາມຍຸຕິທຳໃນສັງຄົມ, ສົມກັບການພັດທະນາເສດຖະກິດຂອງທ້ອງຖີ່ນ.